У Віцебску вывесілі тры бел-чырвона-белыя сцягі. Затрыманы і збіты адзін з актывістаў апазіцыі
Вечарам 3 верасня ў Віцебску былі вывешаныя тры бел-чырвона-белыя нацыянальныя сцягі: на мосце Кірава, на плошчы Свабоды і каля медыцынскага універсітэты. На прыпынку грамадскага транспарту, насупраць універсітэта, міліцыя затрымала апазіцыйнага актывіста Алега Сургана.
У рэдакцыю “ННВ” дазваніўся сябра спадара Сургана Сяржук Каваленка, які паведаміў, што, са слоў Алег, міліцыянты ў яго спыталі дакументы, а потым завезлі ў Кастрычніцкі РАУС, дзе пачалі катаваць.
Як распавёў Каваленка,Алега Сургана падвешвалі на кайданках да кратаў, білі галавой аб унітаз і плявалі на яго.
Са слоў Сержука Каваленкі ў Алега моцна збіты твар. Актывістам удалося выклікаць хуткую, пад час тэлефанавання яны накіроўваліся ў 3-ю гарадскую бальніцу каб засведчыць пабоі.
