Помнік Льву Сапегу ў Лепелі ўсталявалі нягледзячы на пратэст праваслаўнай царквы
11 верасня ў Лепелі ўрачыста адкрылі помнік вялікаму гетману і вялкаму канцлеру Вялікага Княства Літоўскага Льву Сапегу. Адзін з вядомейшых беларускіх магнатаў пэўны час валодаў гэтым горадам.
Агульная вышыня помніка з пастаментам каля 3.5 метраў. Леў Сапега апрануты ў кунтуш паўзверх кірасы, у правай руцэ трымае булаву — адзнаку гетманскай улады, а левай апіраецца на эфес шляхецкай шаблі. Аўтар помніка — мінчанін Леў Аганаў, які раней выканаў помнік Папу Рымскаму Бенедыкту ХVI, усталяваны 15 чэрвеня 2008 года ля касцёла святога Тадэвуша ў мястэчку Лучай Пастаўскага раёна.
httpv://www.youtube.com/watch?v=97XhmlAh9us&feature=player_embedded
Ініцыятарам стварэння помніка славутаму палітычнаму і ваеннаму дзеячу ВКЛ стаў пробашч мясцовай рыма-каталіцкай парафіі святога Казіміра ксёндз Андрэй Аніскевіч. Пры гэтым, як паведамляе сайт lepel.by, катэгарычны пратэст выказвала праваслаўная царква.
Фота і віэда lepel.by.