Народныя навіны ВіцебскаНародные новости Витебска

Працягваецца сезон хатніх нарыхтовак – гаспадыні ўжо паназакатвалі марынаваных агуркоў, памідораў, леча, а зараз працягваюць рыхтаваць на зіму розныя салаты, кампоты, варэнне. І хоць гэта патрабуе вялікіх высілкаў на кухні, ёсць жанчыны, што закатваюць за сезон па 500, а то і болей слоікаў вітаміннай прадукцыі. Людзям, у якіх ёсць лецішча, рабіць хатнія кансервы, безумоўна, выгадна. Аднак ці ёсць сэнс гатаваць іх гараджанам, у якіх няма садавіны і гародніны з уласнага ўчастка? Можа, прасцей набыць марынаваную прадукцыю ў краме? “ННВ” паспрабавалі разабрацца ў гэтым.

Для пачатку трэба набыць падсобныя матэрыялы, без якіх салаты-кампоты на зіму проста немагчымы. Гэта слоікі, накрыўкі і закатачная машынка (хаця цяжка ўявіць гаспадыню, у якой няма гэтай прылады, хіба толькі, калі яна нядаўна выйшла замуж). Гэтак:

Слоікі шкляныя пад закатку (без накрыўкі):
3 літры – 6 000 рублёў
2 літры – 5 000 рублёў
1,5 літра – 4 000 рублёў
1 літр – 3 500 рублёў
0,5 літра – 2 500 рублёў

Для параўнання: два гады таму 3-літровы слоік каштаваў у тры разы меней – усяго 1 700 рублёў. А зараз за гэтыя грошы не купіш нават паўлітровы слоік. Літровы слоік у 2009 годзе прадавалі за 1 200 рублёў.

Слоікі шкляныя вінтавыя (без накрыўкі):
4 літры – 9 000 рублёў
3 літры – 6 000 рублёў
2 літры – 5 000 рублёў
1,5 літра – 4 000 рублёў
1 літр – 3 500 рублёў
0,7 літра – 3 000 рублёў
0,55 літра – 3 500 рублёў
0,5 літра – 2 500 рублёў

Накрыўкі закатачныя (на рынку) – 600 рублёў. Трохі танней каштуюць закатачныя накрыўкі ў краме – ад 480 да 560 рублёў.
Накрыўкі вінтавыя – 1 000 рублёў
Накрыўкі пласмасавыя – 500-600 рублёў
Закатачныя машынкі – ад 45 000 да 75 000 рублёў

У 2009 годзе накрыўкі для закатак каштавалі 200 рублёў. Закатачная машынка – 13 000 рублёў.

Акрамя гародніны і садавіны, у рэцэпты многіх хатніх нарыхтовак уваходзяць яшчэ дадатковыя прадукты (цукар, воцат, алей, соль, лімоная кіслата, спецыі):
Цукар – 5 000 рублёў
Воцат (1 літр, 6%) – 5 100 рублёў
Воцат (1 літр, 9%, вытворчасць Расія) – 6 550 рублёў
Воцат (1 літра, 9%, вытворчасць Літва) – 7020 рублёў
Алей «Слабада» (1 літр) – 18 470 рублёў
Соль павараная “Беларуская” (1 кг) – 1 030 рублёў
Лімонная кіслата (пакецік 10 г) – 1 480 рублёў
Прыправа для марынавання агуркоў, перцу, кабачкоў, памідораў – 7 430 рублёў
Перац духмяны молаты – 3 820 рублёў
Перац чорны молаты – 5 150 рублёў
Перац чырвоны молаты – 2 950 рублёў
Перац чорны гарошкам – 3 790 рублёў
Лаўровы ліст – 4 910 рублёў
Гваздзіка – 4 060 рублёў

У які кошт абыдзецца хатняя кансерва, разбярэм хаця б на такім на прыкладзе. Гаспадыня вырашыла зрабіць аджыку па рэцэпце, для якога патрэбны: 2,5 кг памідораў, 1 кг яблыкаў, 1 кг морквы, 1 кг салодкага перцу, 100 г горкага перцу, 1 шклянка воцату, 1 шклянка цукру, 1 шклянка алею, ? шклянкі солі, 200 г часнака.

На рынку гэтыя прадукты каштуюць:
Салодкі перац (кг) – 8 500 рублёў
Памідоры (кг) – 5 000 рублёў
Морква (кг) – 3 500 рублёў
Яблыкі (кг) – 3 000
Часнок – 1 000 (1 галоўка)
Горкі перац (кг) – 2 300 рублёў

Лічым: гародніна для аджыкі абыдзецца нам у 35 000 рублёў. Плюс трэба дадаць па шклянцы воцату, цукру, алею (прыкладна 6 000 рублёў). Гэта ўжо 41 000 рублёў. На выхадзе атрымаем 4 літры гатовай аджыкі. Прыплюсуем сюды кошт слоікаў, калі ў каго іх няма, і накрывак. Трэба 8 паўлітровых слоікаў: (2 500х8) + (600х8) = 20 + 4 800 = 24 800 рублёў. Такім чынам, чатыры літры хатняй аджыкі з улікам тары каштуюць 65 800 рублёў.

Цяпер зойдзем у краму і паглядзім, за колькі гэты ж самы прадукт можна набыць там. Невялічкая прыгожая баначка вагай 180 г чырвонай аджыкі, якая прыехала да нас з сонечнай Грузіі, каштуе 13 260 рублёў! Вочы на лоб! Адразу становіцца зразумела, што выгадней прыгатаваць яе самому. Яна, канешне, атрымаецца на мяккі беларускі манер, аднак усё адно смаката.

Кошты на іншыя кансервы з агародніны і садавіны ў краме:
Таматы марынаваныя (Ноўкінскі плодаагароднінны камбінат, 1 л) – 7 520 рублёў
Таматы марынаваныя (Ноўкінскі плодаагароднінны камбінат, 3 л) – 16 020 рублёў
Агуркі марынаваныя (прадпрыемства “АВС”, Гродна, 1 л) – 13 630 рублёў
Агуркі марынаваныя (Барысаўскі кансервавы завод, 3 л) – 25 650 рублёў
Павідла яблычна-журавінавае (Глыбоцкі кансервавы завод, 0,5 л) – 7 630 рублёў
Сок яблычна-персікавы (Ноўкінскі плодаагароднінны камбінат, 3 л) – 13 330 рублёў

Выснова. Няцяжка падлічыць, што нават пры адсутнасці сваёго лецішча практычна ўсе традацыйныя закаткі эканомней рабіць самастойна, чым набываць у гастраноме. Тым больш, што хатнія саленні-варэнні нашмат смачнейшыя!