Народныя навіны ВіцебскаНародные новости Витебска

Кошты на асноўныя прадукты харчавання на гэты раз “Народныя навіны Віцебска” вывучалі ў краме “Веста” № 122 на праспекце Чарняхоўскага. Маніторынг праводзіўся 4 верасня.

Малако (3,2%) – 1780 рублёў

Тварог (1,5%) – 1510 рублёў

Смятана (25%) – 4360 рублёў

Масла сметанковае (82,5%) – 5570 рублёў

Сыр “Расійскі” – 25510 рублёў

Свініна, ялавічына – не было ў продажы

Курыца (філе) – 34540 рублёў

Яйкі – 5100 рублёў

Рыба (хек) – 26980 рублёў

Хлеб “Жыцейскі вітамінны” (0,7, без упакоўкі) – 2270 рублёў

Цукар (у папяровым пакеце) – 5000 рублёў

Рыс (0,9) – 9890 рублёў

Грэчка (0,8, Кітай) – 17250 рублёў

Макароны (“Макфа”, Расія, 0,5) – 7990 рублёў

Мука “Житница” (вышэйшы гатунак) – 2200 рублёў

Алей “Кум” – 17300 рублёў

Гарбата “Принцесса Нури” (чорная, 100 г) – 8140 рублёў

Кава Nescafe (100 г) – 27990 рублёў

Яблыкі – 4800 рублёў

Бананы – 6480 рублёў

Кавун – 3020 рублёў

Ківі (кг) – 26450 рублёў

Апельсіны – 10280 рублёў

Лімон – не было ў продажы

Памідоры – 4860 рублёў

Агуркі – 1800 рублёў

Капуста – 1170 рублёў

Цыбуля – 3960 рублёў

Морква – 3350 рублёў

Бульба – 2500 рублёў

Буракі – 2480 рублёў

Кабачкі – 2150 рублёў

Часнок – 22550 рублёў

Соль “Беларуская паваранная” – 1030 рублёў

Гарэлка “За удачу” 0,5 л (Віцебскі лікёра-гарэлачны завод) – 11340 рублёў

Мяса ў дзень маніторынгу ў краме не было. На паліцах з алеем было тры гатункі – “Любонька”, “Кум”, “Донская нива”. Апошні гатунак каштаваў 14210 рублёў – прыкладна на 4000 рублёў танней, чым папярэднія. Гародніна была прадстаўлена выключна айчыннымі вытворцамі. Адзначым, што ў параўнанні са жнівеньскімі коштамі прыкладна на 300-500 рублёў патаннелі яблыкі, бананы, цыбуля. Значна патаннеў часнок (з 28610 да 22550 рублёў). Даражэй стала каштаваць кава Nescafe – калі ў сярэдзіне жніўня 100-грамовая баначка прадавалася па 22210 рублёў, то зараз аматарам гэтага напою прыдзецца выкласці 27990 рублёў. Пры чым што ў краме, дзе мы рабілі маніторынг, прайшла акцыя зніжак на дадзены від прадукцыі – раней кава тут каштавала 29230 рублёў. У гэтай "Весце" таксама былі зніжаны кошты (прыкладна ад 50 да 300 рублёў) на практычна ўсе малочныя прадукты (смятана, малако, кефір, ёгурт, сметанковае масла, тварог). Па просьбах некаторых чытачоў мы пацікавіліся і коштам на гарэлку, хоць гэты прадукт і не адносіцца да ліку асноўных.

Затым карэспандэнт “ННВ” наведаў міні-кірмаш, які знаходзіцца ў дварах на вуліцы Чкалава, побач з “Вестай” №138. Нягледзячы на выходны дзень, бабулек-гандлярак тут было мала. І выбар садавіны і гародніны яны прапаноўвалі небагаты. Тым не менш можна зрабіць выснову, што кабачкі выгадней набываць на рынку: кабачок сярэдніх памераў прыкладна на 2 кг у бабулек каштуе 2000 рублёў, у той час як у краме гэтыя грошы трэба аддаць за 1 кг. Цікава, што кошты на на бульбу ў пачатку верасня зраўняліся і ў прыватных гандляроў, і ў краме.

Кабачкі (2 кг) – 2000 рублёў

Бульба (1 кг) – 2500 рублёў

Морква – 3000 рублёў

Яблыкі – 2000 рублёў

Горкі перац (1 штука) – 1000 рублёў

Часнок (1 галоўка) – 1000 рублёў

Зеляніна (пучок) – 1000 рублёў

Гуркі – 3000 рублёў

Рэдзька – (1 штука) – 1500 рублёў

Слівы, 1 літр – 4000 рублёў

Фасоля (1 шклянка) – 2500 рублёў