Новы аўтобусны маршрут №43 звяжа Віцебск з пасёлкам Кіраўскі
У суботу, 10 снежня, у Віцебску з’явіцца яшчэ адзін аўтобусны маршрут – №43. Ён звяжа абласны цэнтр з з пасёлкам Кіраўскі. На “сорак трэцім” жыхары гэтага населенага пункта змогуць дабрацца да чыгуначнага вакзала. Ездзіць аўтобус будзе праз вуліцу Цітова і Полацкі рынак.
Нагадаем, што ў сярэдзіне кастрычніка пачаў працаваць маршрут №42. Гэты аўтобус ходзіць ад Смаленскага рынку па вуліцы Леніна, Маскоўскім праспекце, вуліцы Петруся Броўкі да Арлова-1. Яшчэ раней, у пачатку верасня, філіял «Аўтобусны парк № 1 г.Віцебска» адкрыў у абласным цэнтры маршрут № 41. “Сорак першы” ходзіць са Смаленскага рынку ў Рудакова праз праспект Чарняхоўскага і вуліцу Зялёнагурскую.
