Глеб Лабадзенка распавядзе ў Віцебску пра правілы культурнага блогінгу
У нядзелю, 26 жніўня, у 17.00 у культурна-гістарычным комплексе "Дзвіна" (вуліца Чайкоўскага, 3) адбудзецца сустрэча з беларускім паэтам, журналістам і “рухавіком беларушчыны” Глебам Лабадзенкам. 
Аўтар старонкі www.labadzenka.by распавядзе пра ўласныя правілы культурнага блогінгу ў Беларусі, карысць і непатрэбнасць інтэрнэт-дзённікаў, іх ролю ў анлайне і рэальным жыцці.
Глеб Лабадзенка не толькі вядзе актыўную культурніцкую дзейнасць: піша артыкулы, перавыдае непадцэнзурнага Караткевіча і ранняга Барадуліна, арганізоўвае візіт князёў Радзівілаў у Нясвіж, укладае паштоўкі, кнігі, дыскі. Ён яшчэ пра гэта і актыўна піша, карыстаючыся сваім блогам для стварэння розгласу, збору ўражанняў і трансляцыі ідэяў.
