Такога яшчэ не было
Учора ў гасцях нашы хакеісты пацярпелі самае буйное паражэнне за сваю гісторыю. “Віцебск” саступіў “Гомелю” 1:16. 
У гарачцы можна сказаць, што хакеісты сякія-такія, не ўмеюць гуляць у хакей, усіх на заводы ды фабрыкі. Але каманда ў апошняй хатняй серыі прадэманстравала неблагі хакей. Так, былі памылкі ў гульні, не хапала майстэрства пры рэалізацыі галявых момантаў, але каманда білася за ачкі. Можа, прапусціўшы ў свае вароты 16 шайб, хлопцы такім чынам спрабуюць вырашыць праблемы, якія склаліся ўнутры клуба?
