Уладзіслаў Блін стаў Чалавекам года Віцебска-2013
Інтэрнэт-выданне “Народныя навіны Віцебска” падвяло вынікі галасавання, згодна якому Чалавекам года Віцебска-2013 чытачы абралі Уладзіслава Бліна — першага біскупа Віцебскай дыяцэзіі каталіцкага касцёла, які быў прызначаны на гэтую пасаду 13 кастрычніка 1999 года дэкрэтам папы Яна Паўла ІІ.
За часам біскупства Уладзіслава Бліна толькі ў Віцебску паўсталі тры новыя касцёлы. Па стане здароўя першы кіраўнік Віцебскай дыяцэзіі быў вымушаны падаць у адстаўку, і 25 лютага папа рымскі Бенедыкт XVI задаволіў яго прашэнне.
За біскупа Бліна аддалі свае галасы 1194 чалавекі, што склала 53%. Усяго ў галасаванні прынялі ўдзел 2265 чалавек — гэта рэкордная колькасць за шэсць год існавання намінацыі. Другім стаў вядомы віцебскі доктар Ігар Пастноў, які набраў 636 галасоў або 23% (пераможца мінулага года Любоў кавалёва атрымала ўсяго 293 галасы).
“Народныя навіны Віцебска” вызначаюць найвыбітнейшую асобу горада ужо штосты раз. У папярэднія гады званнем “Чалавек года Віцебска” былі ўганараваныя маці растралянага Любоў Кавалева (2012), бізнэсмен і культурны дзеяч Гарык Аганджанян (2011), “Міс інтэрнэт Віцебск” Кася Сцяпанава (2010), старшыня Віцебскага аблвыканкама Аляксандр Косінец (2009 год), “Міс Беларусь” Вольга Хіжынкова (2008 год).
Хто павінен стаць Чалавекам года Віцебска-2013?
- Уладзіслаў Блін (53%, Галасоў: 1.194)
- Ігар Пастноў (28%, Галасоў: 636)
- Вераніка Рыдкіна (9%, Галасоў: 205)
- Уладзімір Конараў (4%, Галасоў: 99)
- Дзімітрый (Драздоў) (3%, Галасоў: 65)
- Юрый Поклад (2%, Галасоў: 54)
- Уладзімір Пяшкун (1%, Галасоў: 12)
Усяго галасоў: 2.265