Восем жанчын Віцебшчыны атрымалі ордэн Маці
Згодна указа кіраўніка Рэспублікі Беларусь ад 2 чэрвеня восем шматдзетных жыхарак Віцебскай вобласці ўшанаваныя ордэнам Маці.
Сярод узнагароджаных за нараджэнне і выхаванне пяці і больш дзяцей: Аксана Генадзьеўна Бурдыка — хатняя гаспадыня з Гарадка; Ірына Аляксандраўна Гарбачэўская — санітарка ўстановы аховы здароўя «Віцебскі абласны шпіталь інвалідаў Вялікай Айчыннай вайны «Юрцава»; Таццяна Мікалаеўна Захарэнкава — старшы касір Цэнтра банкаўскіх паслуг № 02/02 ў Полацку закрытага акцыянернага таварыства «Трастбанк»; Алена Мікалаеўна Зуева — работніца даччынага камунальнага ўнітарнага жыллёвага рамонтна-эксплуатацыйнага прадпрыемства «ЖРЭТ Чыгуначнага раёна» Віцебска; Юлія Леанідаўна Кавалеўская — работніца крамы «Дары прыроды» Расонскага раённага спажывецкага таварыства; Таццяна Барысаўна Кашко — санітарка ўстановы аховы здароўя «Глыбоцкая цэнтральная раённая бальніца»; Святлана Іванаўна Пятрушэнка — загадчык Залескага фельчарска-акушэрскага пункта дзяржаўнай установы аховы здароўя «Полацкая цэнтральная гарадская бальніца» ; Тамара Мікалаеўна Тамашэвіч — аператар машыннага даення адкрытага акцыянернага таварыства «Студзенка» Сенненскага раёна.
Узнагароджанне ордэнам Мацi праводзiцца пры дасягненнi пятым дзiцем узросту аднаго года i пры наяўнасцi ў жывых астатнiх дзяцей гэтай маці. Гэты ордэн быў заснаваны 13 красавіка 1995 года, а першае ўзнагароджанне адбылося 14 кастрычніка 1996 года.
