У Віцебску працуе выстава беларускага плаката

У музычнай гасцёўні Віцебскага цэнтра сучаснага мастацтва адбылося адкрыццё выставы Беларускага саюза дызайнераў “Беларускі плакат: візуальны код часу”.
У Віцебску працуе выстава беларускага плаката. Фота Юрыя Шэпелева

Для праекта ёсць дзве нагоды: па-першае, трыццацігоддзе Беларускага саюза дызайнераў, творчага саюза, які аб’ядноўвае больш за 600 спецыялістаў у вобласці дызайну ўсіх напрамкаў (прамысловы, графічны, фэшн-дызайн, дызайн інтэр’ераў, віртуальнага асяродку, фотаграфіка, арт-менеджмент і педагогіка).У Віцебску працуе выстава беларускага плаката. Фота Юрыя Шэпелева

Па-другое, – гэта запланаваная частка буйнамасштабнага доўгатэрміновага праекта па захаванню спадчыны беларускага плаката, вынікам якога стане стварэнне лічбавага архіву, сайту і альбома-каталога. Беларускі плакат - адна з найбольш відавочных і выніковых праяў дызайн-дзейнасці ў Беларусі.У Віцебску працуе выстава беларускага плаката. Фота Юрыя Шэпелева

На выставе прадстаўлена больш за пяцьдзясят плакатаў розных часоў, выкананых беларускімі аўтарамі, пачынаючы з малавядомых шэдэўраў даваеннага перыяду да твораў – У. Цэслера, В. Войчанкі, А. Кітаевай, Д. Сурскага, Т. Гардашнікавай, Р. Найдзена, Ю. Тарэева і іншых знакамітых аўтараў, а таксама студэнтаў Віцебскага дзяржаўнага тэхналагічнага універсітэта.

У Віцебску працуе выстава беларускага плаката. Фота Юрыя Шэпелева

Мастацкі твор, крыніца інфармацыі, гістарычны дакумент – беларускі плакат між іншых відаў мастацтва заслугоўвае асаблівай увагі. Ён, як нацыянальная мастацкая з’ява – найбольш вядомы і прызнаны за межамі нашай краіны, дзякуючы перамогам у прэстыжных міжнародных конкурсах і біенале.У Віцебску працуе выстава беларускага плаката. Фота Юрыя Шэпелева

Беларускія плакаты знаходзяцца ў буйнейшых музеях і калекцыях Свету (музей плаката ў Вілануве (Варшава, Польша), Мараўскай галерэі (Брно, Чэхія), Луўры (Парыж, Францыя), музеі плаката ў г. Лахці (Фінляндыя), музеі плаката ў г. Таяма, Осака (Японія), Смітсанаўскім інстытуце (ЗША) і інш.).

Пры гэтым у Беларусі для многіх плакат застаецца своеасаблівай “terraincognita”. У свеце гэтай відавочнай несправядлівасці, варта наўпрост прыйсці і пераканацца ў значнасці і прыгажосці гэтага віду мастацтва, вартага мець і на радзіме ўласны музей.

Выстава “Беларускі плакат: візуальны код часу” будзе праходзіць толькі да 17 траўня.


Меткі: , ,

Падобнае

    2 каментарыя

    1. angela davis   Thumb up Thumb down 0
      12/май/2017 у 7:56

      Юрий! А на последнем фото нижний плокад автора Влада Наговицина, не? Ну там, где Малевич нарисован на причинном месте у мужика.

    2. Юрый Шэпелеў   Thumb up Thumb down 0
      12/май/2017 у 12:52 1

      @ angela davis:
      Похоже, что так. Там бумажки прикреплены к каждому плакату, но уж текст очень мелкий, что бы их читать )

    Каментаваць