Памёр віцебскі краязнаўца Алег Куржалаў

Пайшоў з жыцця Алег Васільевіч Куржалаў, адзін са стваральнікаў сучаснай сістэмы школьнага на Віцебшчыне.
Алег Васільевіч Куржалаў. Фото Таццяны Мацьвеевай

Алег Васільевіч нарадзіўся ў кастрычніку 1953 годзе. Вучыўся ў віцебскай СШ №29, у 1975 годзе скончыў гістарычны факультэт Беларускага дзяржаўнага ўніверсітэта.

У 1978-1984 гадах працаваў адказным сакратаром віцебскай арганізацыі Беларускага таварыства аховы помнікаў. Актыўна выступаў супраць знішчэння гістарычнай забудовы на вуліцы Леніна, старой аптэкі на плошчы Свабоды. У 1984 годзе ўпарта адстойваў будынак Пакроўскай царквы, ужо падрыхтаваны да разбурэння, за што быў звольнены з працы.

Актыўны ўдзельнік віцебскага гісторыка-культурнага таварыства “Узгор’е”.

У 1995-2011 гадах працаваў загадчыкам аддзела беларусазнаўства і краязнаўства у абласным аб’яднанні па арганізацыі пазашкольнай работы. Здолеў адшукаць і арганізаваць для сумеснай стваральнай працы педагогаў-краязнаўцаў практычна ва ўсіх куточках Віцебскай вобласці. Ладзіў семінары, творчыя конкурсы, краязнаўчыя вандроўкі. Дапамагаў у стварэнні і развіцці школьных музеяў, дапамагаў вызначыцца з найбольш выйгрышнай стратэгіяй працы краязнаўчых клубаў, гурткоў і асобных юных даследчыкаў лакальнай гісторыі. Ініцыяваў і часта ўласнаручна рэдагаваў першыя краязнаўчыя дапаможнікі, якія зараз выкарыстоўваюцца ў школах.

Нястомна, не шкадуючы высілкаў, працаваў для таго, каб жыхары Віцебшчыны ведалі свае радаводы, лёс сваіх вуліц, вёсак, мястэчак і гарадоў. Сваю праўдзівую гісторыю.

Развітанне з Алегам Васільевічам Куржалавым адбудзецца 26 ліпеня ў 12:15 у рытуальнай зале “Ціхая абіцель” (вуліца Петруся Броўкі, 50).


Меткі: , , , , ,

Падобнае

    6 каментарыяў

    1. Дмитрий Осипов   Thumb up Thumb down +5
      25/Ліпень/2017 у 21:30

      Вечная память,низкий поклон!
      Соболезнование родственникам и близким!

    2. vk.com Наталья Партолина   Thumb up Thumb down +5
      25/Ліпень/2017 у 22:17 1

      Светлая память светлому человеку...

    3. Анатоль   Thumb up Thumb down +5
      25/Ліпень/2017 у 22:35 2

      Год стратаў у нашых краязнаўцаў.
      Алег быў вельмі каштоўнай зоркай на небасхіле віцебскай гісторыі і краязнаўства. Шкада, не цанілі яго ў кабінетах, якія наш народ чамусьці называе "высокімі".

    4. Віталь Броўка   Thumb up Thumb down +3
      26/Ліпень/2017 у 9:39 3

      Сьветлая памяць, Алег Васілевіч...
      Дзякуй за ўсё

    5. валошка   Thumb up Thumb down +2
      26/Ліпень/2017 у 11:30 4

      Светлая памяць..

    6. Дмитрий Осипов   Thumb up Thumb down +2
      26/Ліпень/2017 у 11:43 5

      @ Віталь Броўка:
      Уникальный и светлый человек нас покинул!
      Мой учитель!

    Каментаваць