“Фэст вышыванкі” ў мінулыя выхадныя прайшоў у Віцебску

Пасля ўдалага старту ў Гародні ў самы паўночны горад Беларусі прыйшло , якое заклікана было абудзіць нацыянальную свядомасць, наблізіць да беларускай літаратуры, навучыць разумець сакральныя сімвалы — “Фэст вышыванкі”.
“Фэст вышыванкі” ў мінулыя выхадныя прайшоў у Віцебску. Фота Барбары Церашковай

Фэст віраваў у адной з самых нацыянальных і ў той жа час дэмакратычных устаноў горада – арт-пабе “Торвальд”. І гэта стала дадатковым бонусам: не пакідаючы мерапрыемства ў суседняй зале можна было падсілкавацца беларускімі стравамі, якія ёсць у меню паба.

“Фэст вышыванкі” ў мінулыя выхадныя прайшоў у Віцебску. Фота Барбары Церашковай

Ідэя добрая, мэты прыўкрасныя, месца зручнае. Вось толькі фармат свята падаўся да болю знаёмым. Каля двух месяцаў таму прыкладна за 200 метраў ад “Торвальда” у арт-прасторы “Талстога,7” праходзіла традыцыйнае віцебскае свята “Барадулінкі”.

Не патрапілі на “Фэст вышыванкі” але былі на “Барадулінках”? Лічыце, што маеце ўяўленне і пра адно, і пра другое свята. З адного боку – чым больш такіх мерапрыемстваў – тым лепш. З другога – колькасць спажыўцоў падобных фэстаў у Віцебску не такая вялікая. Можа таму, пазнаёміўшыся з праграмай мерапрыемства і пабачыўшы аналагі з ліпеньскім оpen airом, моладзь ў арт-паб ішла не надта каб масава.

“Фэст вышыванкі” ў мінулыя выхадныя прайшоў у Віцебску. Фота Барбары Церашковай

І тым не менш, несправядліва было б абысці ўвагай рэчы, якія выглядалі вельмі выгадна менавіта на “Фэсце вышыванкі”. На погляд аўтара артыкула сярод іх найпер варта ўзгадаць наступныя:

Увага да віцебскіх паэтаў

Віцебскія паэты Ўладзімір Папковіч і Кастусь Севярынец былі не менш цікавымі – а для некаторых гасцей свята, што даўно асабіста ведаюць і любяць творцаў у нейкай ступені і больш цікавымі – за імянітых гасцей: паэта Славаміра Адамовіча і пісьменніка Аляксея Шэіна. Госці нясуць неацэнную місію, пашыраючы кругагляд звычайнага гараджаніна, але ў спалучэнні са “сваімі” творчая карціна для яго выглядае найбольш поўнай.

“Фэст вышыванкі” ў мінулыя выхадныя прайшоў у Віцебску. Фота Барбары Церашковай

Кірмаш вышыванкі

Шыкоўныя кнігі прыватных выдавецтваў цяпер для віцяблян ужо не навінка. А вось вялікі кірмаш рэчаў – ад куртак з нацыянальным арнаментам да завушніц з васількамі –у такім аб’ёме быў прадстаўлены ўпешыню. У пераважнай большасці асартымент забяспечыла крама “Князь Вітаўт”, прапанаваўшы тавары з улікам рознага дастатку пакупнікоў:

— Вышыванка – не танная рэч, - расказаў Сяргей Байко. - Ручная работа таннай не можа быць наогул. Але мы разумеем, наколькі зараз складаная сітуацыя ў краіне. Таму прапануем больш дэмакратычныя па кошце рэчы з машыннай вышыўкай. Наогул, вельмі радуе, што і тое, і другое – запатрабавана. Беларускасць наша пашыраецца, гэта відавочна. Моладзь актыўна цікавіцца. А мы стараемся не толькі прадаць нешта, але і патлумачыць змест беларускіх сімвалаў, сакральны сэнс элементаў арнамента.

“Фэст вышыванкі” ў мінулыя выхадныя прайшоў у Віцебску. Фота Барбары Церашковай

Нельга сказаць, што гандль быў у гэты дзень вельмі ўдалым. Але многія наведвальнікі адзначылі для сябе: такая крама ў горадзе існуе, туды можна прыйсці па арыгінальнае адзенне або цікавы сувенір. З тавараў не ад “Князя Вітаўта” здзівіла і павесяліла наяўнасць сімволікі Вейшнорыі. Яна былі на запалках, паштоўках, сувенірных магнітах.

Імбрыкі ды Імбрычкі

Інтэлектуальная гульня прымусіла моладзь, што падцягнулася ў арт-паб бліжэй да вечара уключыць мазгі, нагадала яркія моманты беларускай гісторыі, адметныя творы мастацтва, біяграфію знакавай фігуры беларускага адраджэння Францішка Скарыны. Самым прыемным была нават не беларуская мова і не дасціпны вядучы з добрай дыкцыяй, а вытанчаны гумар, з якім былі напісаны пытанні, падрыхтаваны слайды. Таму назіраць за гульнёй было не менш прыемна, чым у ёй удзельнічаць.

“Фэст вышыванкі” ў мінулыя выхадныя прайшоў у Віцебску. Фота Барбары Церашковай

Ці вернецца “Фэст вышыванкі” у Віцебск калі-небудзь яшчэ? Пра гэта гаворкі ў час свята не ішло. Калі ж гэта ўсё-такі адбудзецца, хочацца каб ён стаў яшчэ больш адметным па змесце і фармаце. Магчыма, і ўдзельнікаў тады збярэцца куды больш.


Меткі: , ,

Падобнае

    6 каментарыяў

    1. ахмед   Thumb up Thumb down -4
      5/Кастрычнік/2017 у 8:34

      А цяпер дзеци уси адзенем вышыванки и разам спяем фрыдам беларусь

    2. angela davis   Thumb up Thumb down 0
      5/Кастрычнік/2017 у 9:02 1

      Алеська Бартосик быу?

    3. Хохол   Thumb up Thumb down -2
      5/Кастрычнік/2017 у 20:20 2

      Скачите в вышиванках, это наш тренд. Выше скачите.
      Мою родину уничтожили, теперь уничтожайте и Беларусь.
      Ненавижу.

    4. Герман   Thumb up Thumb down 0
      5/Кастрычнік/2017 у 20:26 3

      Хохол пісаў:

      Мою родину уничтожили,

      Как, Россиюшки больше нетути, и наши заняли Москву? Это фейк.
      Руские не здаюцца!

    5. Pcholkin   Thumb up Thumb down 0
      5/Кастрычнік/2017 у 22:14 4

      Хохол пісаў:

      в вышиванках Мою родину уничтожили Ненавижу.

      Потому как она тебе всего лишь родина. Всего лишь место рождения. А те, кому Родина, так не считают. И я не думаю, что они - "вышиванщики", тебя - ватника, ненавидят. Скорее жалеют...
      И я тебя понимаю, и также сочувствую. В одиночестве, вдали от родины/места рождения, так паскудно! Всех возненавидишь! И, особенно, почему-то этих, которые в вышиванках...
      ЗЫ: А за Беларусь не беспокойся. Наши "вышиванщики" гораздо по-спокойней будут. У нас это, как ты правильно заметил, прежде всего, трэнд. Не более того. И то, зачастую, из-под него вата проступает. Тот же брсэм, возьмём. Так что не пужайся уж так... 😐

    6. Герман   Thumb up Thumb down 0
      5/Кастрычнік/2017 у 22:57 5

      Пчолкн... Вы бы лучше поучились у южных соседей, как "жалеть" орду кочевников.
      Правда, с 17-девчушкой, пособницей британского наемника из Лугандона он явно пересолил. То было дитя горькое и несмышленое. Маленькая голубоглазенькая глупышка в смешной шапке з вушкамі. Война - не игрушки в куклы...
      Но за ее спиной стоял Вован Соловьев с мерзкой рожей и ехидно ухмылялся....Суки, целое поколение сгубили варварской пропагандой и выбросили на помойку истории.
      https://censor.net.ua/resonance/457420/odichalyyi_malchik_evgraf

    Каментаваць