7 / лістапада / 2006

    Віцебскія камуністы па-ранейшаму ўпэўнены, што “справа Леніна будзе жыць вечна”

    07/11/06 •

    Сёння ў Віцебску каля помніка Леніну прайшоў мітынг, прымеркаваны да чарговай гадавіны Кастрычніцкай рэвалюцыі, які арганізавала абласная арганізацыя КПБ. Мерапрыемства зацікавіла каля 150 жыхароў горада, пераважна сталага ўзросту. Мітынг доўжыўся прыкладна 15 хвілін, за гэты час выступілі пяцёра прамоўцаў. Гукаўзмацняльная тэхніка працавала няякасна, і людзі, якія стаялі ў задніх шэрагах, скардзіліся, што прамоўцаў дрэнна чуваць.