Януковіч збіраецца адрадзіць вёску Янукі Віцебскай вобласці

Віктар Януковіч. Фота ya2006.com.uaПад час свайго нядаўняга візіту прэм’ер-міністар Украіны быў засмучаны тым жахлівым станам, у якім знаходзіцца малая радзіма ўсіх Януковічаў. Цяпер у вёсцы Янукі жыве ўсяго некалькі чалавек, і разруха на бацькаўшчыне продкаў непрыемна ўразіла украінскага прэм’ера.

Візіт Віктара Януковіча адбыўся, калі украінцы адзначалі гадавіну “галадамору”, і магчыма гэтыя абставіны паўплывалі на яго рашэнне адрадзіць радавое паселішча.

Як паведамляе “Українська правда”, цяперашні прэм’ер-міністар Украіны плануе ператварыць Янукі ў сучасны катэджны пасёлак на 300 жыхароў. Каб забяспечыць працай будучых янукоўцаў пабудуюць міні-малакозавод (племянных кароў плануюць закупіць у данецкай аграфірме “Шахцёр”), склад для марожаных ягад.

Такім чынам Януковіч збіраецца даць вёсцы другое жыццё і хоча запрасіць пасяліцца ў Януках усіх Януковічаў з Беларусі і Украіны. Па ацэнкам экспертаў рэалізацыя такога праекту можа каштаваць 5 мільёнаў долараў ЗША.

  •  
  •  
  •  
  •  
  •  
  •  
  •  
  •  
  •  
  •  
  •  
  •  
Меткі: , ,

Чытайце яшчэ

1 каментар

  1. Сергей Янукович  
    7/снежань/2006 у 17:29

    Я лучше деньгами возьму...

Каментаваць

Вы павінны увайсці каб каментаваць.

Можна ўвайсці праз: