Англійская бібліятэка прыме ў падарунак кнігі
Супрацоўнікі Англійскага культурнага цэнтра ў Віцебску будуць удзячны ўсім, хто падорыць бібліятэцы замежнай літаратуры кнігі і розныя матэрыялы на англійскай мове.
Бібліятэка існуе ў Віцебску ўжо 5 гадоў, яе фонд складае 3000 выданняў – гэта спецыяльная і мастацкая літаратура, а таксама мультымедыйныя матэрыялы. Асаблівай папулярнасцю яна карыстаецца сярод студэнтаў, школьнікаў, выкладчыкаў і ўсіх, хто цікавіцца вывучэннем англійскай мовы. Знаходзіцца бібліятэка па адрасе: вуліца Смаленская, дом 4, корпус 6. Тэлефон 47-40-63.
