На Глыбоччыне пройдзе міжнародны фестываль хрысціянскіх фільмаў
У вёсцы Мосар Глыбоцкага раёна 20-24 чэрвеня пройдзе традыцыйны міжнародны фестываль хрысціянскіх фільмаў і тэлепраграм "Magnificat".
Сёлета на фестывалі будуць прадстаўлены 47 фільмаў з 17 краін свету. Сярод іх Украіна, Італія, Ірландыя, Чэхія, Швейцарыя і такія вельмі далёкія ад Беларусі як Канада, Мексіка, Эквадор, Інданэзія, Аўстралія. 21 фільм падрыхтавалі аўтары-каталікі, 26 прац належаць праваслаўным.