Гістарычная спадчына Віцебска знішчаецца пад пакровам цемры

Старшыня гарвыканкама Пётр Драздоў інспектуе месца працаў. Фота Сержука СераброУ Віцебску працягваюць бурыць зямлю на плошчы Свабоды, дзе некалі быў Свята-Мікалаеўскі сабор і шэраг іншых культавых будынкаў. Сёння месца земляных працаў наведаў старшыня гарвыканкама Пётр Драздоў. Ён загадаў сваім падначаленым “дать штраф, а если возобновят работы — опять оштрафовать”.

Да прыезду кіраўніка гарадской адміністрацыі працы былі прыпыненыя, аднак пасля абеду яны аднавіліся. Зноў на поўную моц запрацавала буравая ўстаноўка, а на плошчу Свабоды прыгналі ажно тры экскаватары і некалькі самазвалаў ды трактары з прычэпамі.
Тэхніка зноў на плошчы Свабоды. Фота Сержука Серабро
Пад вечар у цэнтры Віцебска, дзе чыніцца акт вандалізму, сабралася купка моладзі і вернікаў, якія занепакоеныя знішчэннем парэшткаў помніка дойлідства 18 стагоддзя. Стыхійна на агароджу катлавана сталі чапляць чорныя жалобныя стужкі. Прысутная грамада прапанавала такім чынам выказаць свой пратэст усім неабыякавым да лёсу гістарычнай спадчыны горада — прыйсці і прывязаць чорную стужку на плошчы Свабоды.

У гэты ж час пракантраляваць ход пракладкі каналізацыі прыехаў кіраўнік “Віцебскводаканала” Міхаіл Грынберг. На пытанне журналістаў, чым матывавана разбурэнне гістарычных каштоўнасцяў ён даў досыць няўцямны адказ: “В туалет все хотят ходить. А без этой трубы канализацыя работать не может”. Застаецца загадкай — ці то раней віцябляне ў прыбіральню хадзілі радзей, ці то гадзіць сталі мацней...
Буравую устаноўку наведаў кіраўнік Віцебскводаканал Міхаіл Грынберг. Фота Сержука Серабро
Працы працягваліся і тады, калі на горад апусцілася цёплая травеньская ноч. На буравой устаноўцы запаліліся фары. Аднак вандалы не разлічылі майстэрства нашых продкаў дойлідаў — пад час праходжання мура кляштарнага будынка, які зараз выконвае функцыі апорнай сцяны, зламаўся бур. Таму прыкладна ў 22:30 працы былі спыненыя і частка тэхнікі пакінула плошчу Свабоды.


Меткі: , , , , , ,

Падобнае

    3 каментарыя

    1. Піліп  
      14/май/2007 у 1:02

      Расстрелять!!!

    2. Solid  
      14/май/2007 у 10:19 1

      Каму даць штраф? Серабру хіба!? :)))

    3. Jauhenija  
      15/май/2007 у 20:19 2

      Сяржук! Дзякуй вам за гэту інфармацыю. Калі можна, напішыце: вернікі якой канфэсіі там зьбіраюцца? І ці зьбіраюць подпісы ў абарону муроў - як у Менску з касьцёлам Сьв. Юзафа? Jauhenija@tut.by

    Каментаваць