Мірон зачыніў “Славянскі базар у Віцебску”

Мірон вывесіў бел-чырвона-белы сцяг над абласным судом у Віцебску. Фота Сержука СераброУ ноч з 13 на 14 ліпеня Мірон вывесіў над фестывальным Віцебскам два бел-чырвона-белыя сцягі: над абласным судом (вул. Шубіна, 4) і над былой марожаніцай “Аўрора” (вул. Леніна, 53) .

Першы сцяг залунаў над горадам прыкладна ў 23 гадзіны, другі — трохі болей, чым праз гадзіну пасля першага. Як нам стала вядома, да сцягоў Мірон па сваёй завядзёнцы прымацаваў цыдулкі: сцяг над абласным судом быў прысвечаны надыходзячым угодкам бітвы пад Грунвальдам, а наступны — таму, што беларускае свята яшчэ наперадзе.Увогуле, нейкая вялікай патрэбы вывешваць сцягі менавіта ў гэты дзень не было, бо бітва пад Грунвальдам адбылася 15 ліпеня. Такое ўражанне, што легендарны Мірон, проста хацеў паказаць, што можа прайсці сярод 1300 міліцыянтаў, апынуцца на ахоўваемым урадавым будынку і застацца незаўважаным. Нездарма і бел-чырвона-белыя сцягі ўзняліся над савецкімі сімваламі: на гербам СССР на будынку абласнога суда і над кавярняй, якая называлася “Аўрора” у гонар рэвалюцыйнага крэйсера.

Мірон вывесіў бел-чырвона-белы сцяг у цэнтры Віцебска. Фота Сержука Серабро


Меткі:

Падобнае

    1 каментар

    1. VMIGMUSIC  
      16/Ліпень/2007 у 12:54

      Слава ГЕРОЯМ!!!!!!!!!!!!!!!!!!!

    Каментаваць