З днём нараджэння, рэдактар!

Калегі і сябры віншуюць галоўнага рэдактара сайта “Народныя навіны Віцебска” Сержука СЕРАБРО з днём нараджэння. Колькі яму сёння споўнілася гадоў – няважна. Галоўнае, што чалавек ён – ЗОЛАТА.

Пачнем з таго, што Сяржук – універсальны спецыяліст у журналістыцы – як у друкаваных, так і электронных СМІ. Ён і фатаграфуе, і піша, і робіць вёрстку, і займаецца дызайнам. І атрымліваецца ўсё гэта ў яго цудоўна.

А яшчэ наш Сяржук – сапраўдная энцыклапедыя. Мы часта здзіўляемся: і як у ягонай галаве змяшчаецца проста неверагодная колькасць інфармацыі і ведаў з самых розных галін!

Сяржук падобны на лепшых герояў з твораў Уладзіміра Караткевіча. Ён такі ж высакародны і бескарыслівы. Вечны рамантык. Сапраўдны рыцар каханай жанчыны. Надзейны сябар. Патрыёт без гучных лозунгаў.

Толькі ён умее так выслухаць чалавека, ненавязліва нешта параіць у складанай сітуацыі і дапамагчы рэальнай справай. Мы не памятаем прыкладаў, каб Сяржук з кім-небудзь пасварыўся. У стасунках з людзьмі ён паводзіць сябе вельмі дыпламатычна. Пры гэтым ён заўсёды мае сваю пазіцыю, якую ніколі не баіцца выказаць – хто б перад ні стаяў. І ўвогуле, часта ствараецца ўражанне, што ён жыве не для сябе, а для іншых.

Сяржук! Жадаем табе здароўя – яно нікому не пашкодзіць. Творчых поспехаў – заўсёды трапляць у “дзесятку”, рэалізаваць усе свае шматлікія цікавыя праекты і ідэі. Няхай у цябе заўсёды будзе такая ж вытрымка і моц, як у добрага каньяку – твайго любімага напою. Хай на тваім жыццёвым шляху сустракаецца як мага больш неардынарных людзей.

МЫ ЦЯБЕ ЛЮБІМ!!!


Падобнае

    6 каментарыяў

    1. Alena  
      6/снежань/2007 у 15:06

      Siarguk,vinshuju!
      Da sustrechu u Viciebsku.
      Alena(Vilnia)

    2. tarkus  
      6/снежань/2007 у 17:11 1

      Далучаюся.
      Мае віньшаваньні!

    3. Зміцер Ягадка  
      6/снежань/2007 у 17:37 2

      таксама

    4. Smolikau  
      7/снежань/2007 у 17:55 3

      З Днём нараджэньня! Посьпехаў і моцы!

    5. Василий  
      8/снежань/2007 у 13:40 4

      С Днем Рождения!
      Единственный ресурс о Витебске, который читаю каждый день.

      С уважением,
      ВA
      Москва/РФ

    6. Eduard, Inform-банк  
      12/снежань/2007 у 4:31 5

      Віншую. Посьпехаў.

    Каментаваць