Фота знішчэння віцебскага гета прадалі з аўкцыёну
Восем фотаздымкаў часоў Другой сусветнай вайны, на якіх было зафіксавана знішчэнне віцебскага гета, былі прададзеныя на інтэрнэт-аукцыёне eBay.
Да гэтага часу дайшло вельмі мала фатаграфічных сведчанняў трагедыі, якая адбывалася летам і восенню 1941 г. у Віцебску, занятым нямецкімі войскамі. Толькі ў 2006 г. часопіс “Мішпоха” апублікаваў некалькі здымкаў віцебскага гета з калекцыі польскага даследчыка Тадэуша Вішнеўскага. Фотаздымкі самой экзекуцыі публікуюцца ўпершыню.
Здымкі забітых вязняў віцебскага на аўкцыён выставіў жыхар Аўстрыі. Усе восем фотакартак ужо прададзеныя ў сярэднім па 50 долараў ЗША за адно фота.
