Зміцер Вайцюшкевіч: па дарозе з Віцебска ў Токіо

Канцэрт вядомага беларускага барда Зміцера Вайцюшкевіча і “WZ-ORKIESTRA”. Фота Сержука СераброУ Віцебскай абласной філармоніі сёння ўвечары прайшоў канцэрт вядомага беларускага барда Зміцера Вайцюшкевіча і “WZ-ORKIESTRA”. І хоць публікі сабралася няшмат, чалавек сто пяцьдзесят, зал вельмі цёпла сустрэў экс-саліста легендарных гуртоў “Палац” і “Kriwi”.

Канцэрт вядомага беларускага барда Зміцера Вайцюшкевіча і “WZ-ORKIESTRA”. Фота Сержука СераброНа пачатку канцэрта Вайцюшкевіч прызнаўся: “Я не дзіўлюся, што людзей прыйшло не супершмат. Але я даўно хацеў трапіць у Віцебск, увогуле выехаць куды-небудзь з горада-героя Мінска. Хочацца, каб беларуская песня была і па-за межамі сталіцы”. Яшчэ спявак не ўстрымаўся, каб не пахваліцца, што неўзабаве адправіцца са сваім новым праектам у Японію, дзе дасць некалькі канцэртаў. “Паслязаўтра я буду ў Токіо, затым – у Кіота”, – паведаміў музыкант.

Для віцебскіх слухачоў Вайцюшкевіч цягам паўтары гадзіны спяваў кампазіцыі са сваіх ранейшых альбомаў на вершы Уладзіміра Някляева, Алеся Камоцкага, Уладзіміра Маякоўскага, Рыгора Барадуліна, а таксама песню “Суседка” з апошняга, дзесятага ў творчасці музыканта, альбома “Лірыка” на вершы Генадзя Бураўкіна. А някляеўскія “Хрызантэмы” сталі ў Віцебску прэм’ерай.

Канцэрт вядомага беларускага барда Зміцера Вайцюшкевіча і “WZ-ORKIESTRA”. Фота Сержука Серабро

Канцэрт вядомага беларускага барда Зміцера Вайцюшкевіча і “WZ-ORKIESTRA”. Фота Сержука Серабро

Падчас канцэрта Зміцер увесь час жартаваў з публікай. Прадстаўляючы песню “Пані ў гадах”, Вайцюшкевіч супакоіў самых маладзенькіх слухачак: “Дзевачкі, не перажывайце, у вас гэта ўсё яшчэ наперадзе”. Перад тым, як праспяваць “Мірныя людзі” на верш Андрэя Хадановіча, бард пацікавіўся: “Ці ёсць тут хто з віцебскай ідэалогіі?” Песенька гэтая пра асноўнае жаданне беларуса – “каб толькі не было вайны, а там хай будзе, як будзе...” А вось песеньку з немудрагелістым тэкстам “Чувіха клёвая гуляла з Лёваю, а сёння прашвырнулася са мной”, па словах Зміцера, у маладосці любілі спяваць нашыя класікі – Барадулін, Бураўкін і нібыта Караткевіч.

Канцэрт вядомага беларускага барда Зміцера Вайцюшкевіча і “WZ-ORKIESTRA”. Фота Сержука Серабро

Па сваёй звычцы на развітанне Вайцюшкевіч выканаў “Бывайце здаровы”. Але зал стоячы доўга не адпускаў спевака, і ён пад гучныя апладысменты праспяваў яшчэ “Я нарадзіўся тут”. “Дзякуй вам за тое, што вы так паважна прынялі мяне, і гэты свой першы канцэрт у Віцебску я запомню”, – сказаў бард. Як падалося, гэта быў не проста дзяжурны камплімент, а словы ад сэрца.

Канцэрт З.Вайцюшкевіча ў абласной філармоніі арганізавала творчая група No Logo Promo.


Меткі: ,

Падобнае

    7 каментарыяў

    1. Praunik  
      17/люты/2008 у 22:40

      Толькі з канцерту. Пасля яго яшчэ з сябрам гадзіну - другую абмяркоўвалі гэтую падзею. Дзякуй Богу, што давялося пачуць з віцебскіх падмосткаў беларускае слова, дзякуй Богу за тое, што есць яшчэ людзі, для якіх яно штосці значыць у жыцці. Але, нажаль, не зразумеў таго сэнсу канцэрта, які імкнуўся данесці спявак да свайго слухача. На мой ўспамін у Вайцюшкевіча багата больш патрыятычнае лірыкі. А тое, што ен прадставіў у віцебкай філамоніі - ня болей вартае ўвагі, чым "твар Беларусі" ды іньшая сучасная "Песьня Беларусі"-папса. Даруйце, але глядзелася гэта менавіта так. Асабліва на фоне песень на вершы пасобніка чырвоных катаў Маякоўскага. Каліласка, прывязіце ў Віцебск Вальжыну Цярэшчанку, А.Кацікава, а яшчэ лепей - Даньчыка ці Камоцкую з гітарай. Есць жаданне пачуць сапраўды беларускую песьню. А гэта жартаўлівая перфамацыя была б да месца толькі у тым выпадку, калі б невялікі час таму у адным сакавіку лес наш склаўся б па-іньшаму. Народу патрэбная тая беларускасць, на якую ен яшчэ не забыўся, толькі ў гэтым выпадку мы можам чакаць ўзварушэння духа народа. А потым будзе час слухаць і Вайцюшкевіча. Ну ня ведаюць яго амаль! Бо палова з гледачоў, я ўпэўнены, прыйшлі літэральна паглядзець адзін на аднога, маўляў, хто яшчэ жывы застаўся з беларускамоўных у гэтым горадзе! А калі б быў сур'езны артыст - квіткі б прадавалі толькі па блаце яшчэ тыдзень таму.

    2. Буба  
      18/люты/2008 у 10:38 1

      Организаторы - выпейте йаду!
      Концерт нужно было в кабаке органзивать, а не в филе.
      Странно еще, что билеты выбли "всего" по 15 000, а не по 200 000, как на славянке!
      Низачот!

    3. Слхухач  
      18/люты/2008 у 11:30 2

      Ай, усё нармальна было.
      Мы прысутнічалі пры нарадэнні беларускага шансону.
      Толькі трэба было на разагрэў віцебскага барда Сержука Белязеку запрасіць, ён у тым жа стылі працуе.

    4. Лiхтарык  
      18/люты/2008 у 16:21 3

      Дзякуй арганiзатарам! Было не нармалёва, а нават добра! I дзякуй што было!

    5. Praunik  
      18/люты/2008 у 20:39 4

      Бубе: На конт білетаў, а хто б пайшоў за 200000? Я калі квіткі набываш у сераду перад канцертам, мне праноўвалі любы рад і любое месца.
      А калі казаць, дзякуй, што было, то сапрўды яно так, але яшчэ раз паўтараю: дзякуй ЗА МОВУ!!! І ня болей!

    6. Віталь  
      18/люты/2008 у 21:53 5

      Сябры, яшчэ раз дзякуй, што прыйшлі! 🙂
      Безумоўна, вы лепшыя! 😉

    7. Praunik  
      18/люты/2008 у 22:37 6

      І вам, Віталь, Дзякуй!

    Каментаваць