У Полацку пачаліся дні культуры Швецыі
З 21 траўня па 5 ліпеня ў сёмы раз у Беларусі праходзяць традыцыйныя Дні культуры Швецыі. У гэтым годзе яны прысвечаны чатыром накірункам – літаратуры, кіно, фота і музыцы.
У сераду ў Музеі-бібліятэцы Сімяона Полацкага ў межах Дзён культуры адбылася сустрэча з вядомымі шведскімі пісьменнікамі, паэтамі, журналістамі і перакладчыкамі, пад час якой прадстаўнікі полацкай інтэлігенцыі даведаліся пра тэндэнцыі развіцця літаратурнай творчасці ў скандынаўскай краіне.
