Мірон зноў вывесіў бел-чырвона-белы сцяг у Віцебску
Няўлоўны Мірон зноў узнімае бел-чырвона-белыя сцягі над Віцебскам. На гэты раз сімвал незалежнай Беларусі быў замацаваны на даху чатырохпавярховага жылога дома №25 па вуліцы імя Горкага.
Па звестках Барыса Хамайды, якія яму сталі вядомыя з крыніц вартых даверу, да сцяга прымацаваная цыдулка наступнага зместу: “Байкот выбарчага фарсу адбыўся па ўсёй Беларусі. Вялікі дзякуй усім, хто прыняў удзел у гэтай патрыятычнай працы. Жыве Беларусь! Жыве вечна! Мірон”.
