Спяшайцеся бачыць птушыны базар на Дзвіне

Калонія чаек, якая гняздуецца на даху аднаго з завадскіх карпусоў на беразе Дзвіны, 1 красавіка вярнулася ў Віцебск з выраю. Увечары ўчастак ракі паміж мастамі Кірава і Блахіна ператвараецца ў сапраўдны птушыны базар, запоўнены некалькімі сотнямі чаек.
Шоу чаек на Дзвіне. Фота Сержука Серабро

Згаладалыя пад час доўгага шляху да дому птушкі смела падлятаюць да цікаўных, і хапаюць у паветры кавалкі хлеба. У падзяку за гасцінец чайкі дэманструюць віцяблянам сапраўдны атракцыён — яны катаюцца па Дзвіне на крыгах. Пасадка адбываецца каля моста імя Кірава, дзе зграя рассаджваецца на ільдзіны, на якіх і вандруе да моста імя Блахіна. Там увесь птушыны кагал з шумам і віскам падымаецца ў паветра і спяшаецца на першапачатковую кропку, аб заняць лепшыя месцы на крыгах.

Шоу чаек на Дзвіне. Фота Сержука Серабро

Як патлумачыла “Народным навінам Віцебска” сябра грамадскага аб’яднання “Ахова птушак Бацькаўшчыны” Ірына Сінкевіч, у такіх паводзінах чаек няма нічога дзіўнага — пачынаецца шлюбны перыяд, калі птушкі вядуць вясельныя гульні, ствараюць пары і рыхтуюцца рабіць гнёзды.

Шоу чаек на Дзвіне. Фота Сержука Серабро

Нагадаем, што на завадскім корпусе на беразе ракі ў Віцебску жывуць не толькі звычайныя чайкі, але і калоніі шызай і серабрыстай чакі, які занесеныя ў Чырвоную кнігу Беларусі.

Шоу чаек на Дзвіне. Фота Сержука Серабро

Шоу чаек на Дзвіне. Фота Сержука Серабро

Шоу чаек на Дзвіне. Фота Сержука Серабро

Шоу чаек на Дзвіне. Фота Сержука Серабро


Меткі: , , ,

Падобнае

    3 каментарыя

    1. УФолаг  
      3/красавік/2009 у 21:06

      а дзе фота межгалактычнага знашення з иншапланетниками у Вицебску?
      Бачыу гэтыя зносины а 18 гадзине сёння на плошчы Пабеды. Неверагодна!!!

    2. Спяшайцеся бачыць птушыны базар на Дзвіне « Віцебскі форум 2.0  
      3/красавік/2009 у 21:06 1

      [...] птушыны базар, запоўнены некалькімі сотнямі чаек. Спяшайцеся бачыць птушыны базар на Дзвіне Отправлено 6 сек. назад [...]

    3. Викторыч  
      5/красавік/2009 у 12:31 2

      Ну ты, на, только смотреть на это и можешь... чё тем про тёлок больше нет? редактор, на, где реальная ТЕМА, на?

    Trackbacks

    1. Спяшайцеся бачыць птушыны базар на Дзвіне « Віцебскі форум 2.0

    Каментаваць