Новы віцебскі губернатар плануе аднавіць Свята-Мікалаеўскі сабор

У бліжэйшай перспектыве на плошчы Свабоды ў Віцебску будзе закладзены першы камень Свята-Мікалаеўскага сабора – знакамітага храма, які на працягу стагоддзяў ўпрыгожваў гістарычную частку нашага горада, пакуль не быў узарваны ў 1957 годзе.Пра аднаўленне царквы, як паведамляе БелТА, старшыня Віцебскага аблвыканкама Аляксандр Косінец адзначыў у размове ў Мітрапалітам Мінскім і Слуцкім, Патрыяршым Экзархам усёй Беларусі Філарэтам падчас учарашняга візіту кіраўніка Беларускай праваслаўнай царквы ў Віцебск.

Губернатар таксама паведаміў мітрапаліту, што да 1 ліпеня будзе скончана рэканструкцыя Свята-Уваскрасенскай царквы ў Віцебску – помніка архітэктуры XVIII стагоддзя. Аднаўленне гэтага храма распачалося ў 2001 годзе, і аб’ём інвестыцый на правядзенне будаўнічых прац складае каля 5,7 мільярдаў рублёў, з якіх засвоена больш за 2 мільярды.

Урачыстае адкрыццё новай царквы адбудзецца ў дні Міжнароднага фестывалю мастацтваў “Славянскі базар у Віцебску”. Вуліца Суворова, на якой знаходзіцца гэты прыгожы храм, з часам стане пешаходнай.

Паводле БелТА


Меткі: , ,

Падобнае

    5 каментарыяў

    1. тася  
      8/красавік/2009 у 22:10

      ого О_о

    2. Ліс  
      8/красавік/2009 у 23:02 1

      І калі гэта старшыня стаў абірацца ўсімі віцеблянамі? Што пра гэта прэса не паведамляла. Старшыня і ёсць старшыня -- прызначэнец кіраўніка краіны.

    3. Новы віцебскі губернатар плануе аднавіць Свята-Мікалаеўскі сабор « Віцебскі форум 2.0  
      8/красавік/2009 у 23:03 2

      [...] Новы віцебскі губернатар плануе аднавіць Свята-Мікала... Отправлено 53 мин. назад # [...]

    4. назiральнiк  
      24/красавік/2009 у 19:13 3

      Колькі яшчэ наляпаем "кропак" за народны кошт, каб дурні маліліся? Грошы няма куды падзець, дык папам вырашылі аддаць?

    5. Беларус  
      5/май/2009 у 1:33 4

      Якое дачыненьне маскоўскае РПЦ мае да езуіцкага касьцёла?!
      Спачатку скралі храмы ў вуніятаў (Рынкавая ды Ўсьпенская цэрквы), цяпер - пачалі красьці ў каталікоў?

    Trackbacks

    1. Новы віцебскі губернатар плануе аднавіць Свята-Мікалаеўскі сабор « Віцебскі форум 2.0

    Каментаваць