У Гарадку затопленыя 9 дамоў, паводка працягваецца

На дадзены момант у Гарадку ў выніку разліцця ракі Гаражанкі затопленыя 9 дамоў і 28 двароў. Пакуль што пад’ём вады спыніўся.
Паводка ў Гарадку. Фота Леаніда Гаравога

Як мы паведамлялі затапленне шэрагу дамоў адбылося з-за моцных дажджоў, якія ішлі апошні тыдзень. Вада выйшла з берагоў ракі Гаражанкі і некаторыя жыхары Гарадка аказаліся ў вадзяной пастцы.

Паводка ў Гарадку. Фота Леаніда Гаравога

Частка пацярпелых эвакуявалася з зоны затаплення, яны знайшлі прытулак у родных, чыя дамы стаяць вышэй. Аднак іншыя сем’і застаюцца сярод вады не жадаючы пакідаць гаспадарак, таксама некаторыя баяцца, што дамы без гаспадароў могуць абрабаваць.

Паводка ў Гарадку. Фота Леаніда Гаравога

У той жа час Міністэрства па надзвычайных сітуацыях запэўнівае, што пагрозы далейшага затаплення няма, а таксама нічога не пагражае жыццю і здароўю тых, хто пільнуе свае сядзібы. У Гарадку пастаянна вядзецца кантроль гідралагічнай абстаноўкі.

Паводка ў Гарадку. Фота Леаніда Гаравога

Ці збіраецца ўлада аказваць якую дапамогу ахвярам стыхіі пакуль не вядома.

ННВ” дзякуе “Рэгіянальнаму парталу Гарадка” за фотаматэрыялы з месца падзей.


Меткі: ,

Падобнае

    3 каментарыя

    1. merlin  
      17/красавік/2009 у 10:16

      Новость про "первый снег" такое весной обычное дело в Городке 🙂

      Куды знiк комент ? 😉

    2. Сяржук Серабро  
      17/красавік/2009 у 10:39 1

      Мерлін, вось ваш камент:
      https://news.vitebsk.cc/2009/04/14/v-gorodke-zatopilo-ulitsu/
      Ці вы цяпер гэта будзеце пісаць пад кожным нашым артыкулам?..

    3. У Гарадку затопленыя 9 дамоў, паводка працягваецца « Віцебскі форум 2.0  
      17/красавік/2009 у 10:39 2

      [...] У Гарадку затопленыя 9 дамоў, паводка працягваецца Отправлено 22 мин. назад # [...]

    Trackbacks

    1. У Гарадку затопленыя 9 дамоў, паводка працягваецца « Віцебскі форум 2.0

    Каментаваць