Леанід Свецік застаецца на свабодзе коштам 11 000 долараў

Віцебскі праваабаронца Леанід Свецік прызнаны вінаватым у распальванні нацыянальнай і расавай варажнечы (130 артыкул КК). Суддзя Віцебскага абласнога суду Галіна Урбановіч пакарала яго штрафам у памеры 900 базавых велічыняў (31 мільён 500 тысяч рублёў або каля 11 тысяч долараў ЗША).
Леаніду Свеціку вынесены прысуд. Фота Сержука Серабро

Акрамя штрафу праваабаронца мусіць кампенсаваць дзяржаве выдаткі на экспертызу — 1 142 501 рубель і кампенсаваць маральныя страты старшыні віцебскага аддзялення Саюза пісьменнікаў Беларусі Тамары Красновай Гусачэнка ў памеры 1 мільёна рублёў. Таксама з яго спагоняць судовую пошліну ў суме 105 000 рублёў.

Леаніду Свеціку вынесены прысуд. Фота Сержука Серабро

Леаніда Свеціка абвінавачвалі ў тым, што ён дасылаў лісты з пагрозамі віцебскім апазіцыянерам ад імя «Русского национального единства» (РНЕ), чым распальваў нацыянальную і расавую варажнечу (артыкул 130 КК). Спачатку Свецік праходзіў па справе як сведка, а потым — падазраваны. Крымінальная справа прыпынялася, але была адноўленая 31 сакавіка 2009 года.

Леаніду Свеціку вынесены прысуд. Фота Сержука Серабро

З прысудам, вынесеным сёння, віцебскі праваабаронца катэгарычна ня згодны. Леанід Свецік паведаміў, што лічыць гэты прысуд абсурдным і збіраецца абскардзіць яго ў Вярхоўным судзе Рэспублікі Беларусь.

Леаніду Свеціку вынесены прысуд. Фота Сержука Серабро

Леаніду Свеціку вынесены прысуд. Фота Сержука Серабро


Падобнае

    1 каментар

    1. Алесь  
      20/Ліпень/2009 у 10:03

      Заграница нам поможет!!! В смысле заплатить штраф и судебные издержки. По уму Светику посидеть бы. Но штраф тоже неплохо. Эта сумма уже не пойдет на организацию очередной революции.

    Каментаваць