Віцебскі Літаратурны музей зачынілі на рамонт

Віцебскі Літаратурны музей часова зачыніў свае дзверы для наведвальнікаў. Тут праводзяць планавы рамонт.

У музеі замяняць дах, вокны, ацяпляльную сістэму і г.д. Эспанаты ў гэты час будуць захоўвацца ў фондах абласнога краязнаўчага музея, філіялам якога і з’яўляецца Літаратурны музей.

Літаратурны музей быў створаны дваццаць год таму, у 1989 годзе, і размешчаны ў будынку помніка прамысловай архітэктуры канца ХІХ стагоддзя – былой электрычнай станцыі трамвая. У фонадах музея сабраны матэрыялы пра беларускіх асветнікаў (Еўфрасіння Полацкая, Францыск Скарына, Сімеон Полацкі), пра помнікі пісьмовай культуры Беларусі ХІІІ-ХХ стагоддзяў, пра паэтаў і пісьменнікаў Віцебшчыны ХVІІІ-ХІХ стагоддзяў (Францішак Багомолец, Францішак Князьнін, Ян Баршчэўскі, Арцём Вярыга-Дарэўскі), пра сучасных пісьменнікаў-ураджэнцаў Віцебскай вобласці.

Асобныя аддзелы музея прысвечаны пісьменнікам, загінуўшым у гады сталінскіх рэпрэсій, а таксама сувязям рускіх літаратараў з Віцебскім рэгіёнам. У складзе калекцыі – старажытныя рэліквіі пісьменства, батлейка, кніжныя ілюстрацыі, лісты, фотаздымкі, партрэты і кнігі пісьменнікаў, экспанаты, якія знаёмяць з легендамі і паданнямі Віцебскай зямлі.

У музеі пастаянняа праходзілі разнастайныя выставы, у якіх удзельнічалі мастакі з Беларусі і замежжа.


Меткі: ,

Падобнае

    1 каментар

    1. Frida--  
      19/Кастрычнік/2009 у 18:33

      Асобныя аддзелы музея прысвечаны пісьменнікам, загінуўшым...

      это речевая ошибка.

      прысвечаны пісьменнікам, якія загінулі...

    Каментаваць