ХК “Віцебск” прайграў гасцям з Брэста
Сёння на сваёй пляцоўцы ХК “Віцебск” саступіў з лікам 1:2 гасцям з Брэста. Асноўны час матча завяршыўся унічыю 1:1. Пераможца вызначыўся ў серыі штрафных кідкоў, у якіх мацнейшымі і былі брэстчане. З віцебскай дружыны на свой рахунак шайбу запісаў Арцём Гнідэнка.Напярэдадні сустрэчы, 27 лістапада, на трэнерскім “мосціку” віцебскай каманды адбыліся змены – падаў у адстаўку галоўны трэнер Валерый Варонін. Выконваць абавязкі галоўнага трэнера прызначаны Сяргей Каралёў.
