Шматдзетная маці памерла пасля ўзгадвання яе ў “раёнцы”

У вёсцы Звянячы Талачынскага раёну ад разрыву аорты памерла 40-гадовая жанчына — маці траіх дзяцей-інвалідаў. Прычынай сардэчнага прыступу, як паведаміў “Народным навінам Віцебска” мясцовы актывіст Мікалай Петрушэнка, магла стаць публікацыя ў раённай газеце “Наша Талачыншчына”, пра тое, што жанчына злоўжывае алкаголем.

Трагічна загінуўшая жанчына насамрэч алкагалізмам не хварэла і раней на сэрца не скардзілася. Інспекцыя па справах непоўнагадовых у яе дом завітала, бо сям’я ў якой гадуюцца трое дзяцей-інвалідаў жыве небагата — памерлая працавала ў СВК “Звянячы”, а яе муж на чыгунцы.

Мікалай Петрушэнка — актывіст грамадзянскай кампаніі “Наш дом” — сустрэўся з удзельнікам рэйду інспектарам па справах непоўнагадовых старэйшым лейтэнантам Русланам Шэстаковым. Супрацоўнік міліцыі паведаміў, акт абследавання сем’яў складалі супрацоўнікі райвыканкама, якія ўзначальвалі рэйд, а ён толькі падаў рапарт пра наведванне гэтай сям’і. Адкуль рэдакцыя “Нашай Талачыншчына” ўзяла інфармацыю пра злоўжыванне алкаголем жанчыны якая загінула, пакуль невядома.

Аднавяскоўцы памерлай шакаваныя трагедыяй, якая адбылася ў Звянячах. Нічога не ведала пра рэйд і старэйшына вёскі Валянціна Юшкевіч, якая жыве па суседству з гэтай сям’ёй.

Са слоў Мікалая Петрушэнка “раёнка” не прызнае сваёй віны ў тым, што трое дзяцей засталіся без маці. Рэдактар “Нашай Талачыншчыны” вінаваціць інспекцыю па справах непоўнагадовых — быццам тая перадала ў рэдакцыю недакладныя звесткі. У той жа час РАУС збіраецца надрукаваць у газеце абвяржэнне раней апублікаванай інфармацыі.

Пахаванне і памінкі сваёй супрацоўніцы СВК “Звянячы” арганізаваў на належным узроўні, што яшчэ раз пацвярджае яе добрасумленнасць, як працаўніцы.


Меткі: , ,

Падобнае

    5 каментарыяў

    1. Светлана Федоровна  
      22/снежань/2009 у 21:55

      Про то, что женщина умерла от разрыва аорты могу сказать следующее.
      Я не врач, а пенсионерка, но аорта не может разорваться просто так, у женщины значит был порок этого очень важного сосуда, основного в нашем организме по перекачке крови.
      Вы спросите откуда я про это знаю, лучше не спрашивайте.

    2. Сяржук Серабро  
      22/снежань/2009 у 22:06 1

      @ Светлана Федоровна:
      Из этиопатогенетических факторов выделяют:
      ...
      * физическое и нервно-эмоциональное перенапряжение;
      ...
      http://ru.wikipedia.org/wiki/%D0%A0%D0%B0%D1%81%D1%81%D0%BB%D0%BE%D0%B5%D0%BD%D0%B8%D0%B5_%D0%B0%D0%BE%D1%80%D1%82%D1%8B

    3. Скрайновіч  
      23/снежань/2009 у 2:00 2

      "старэйшына вёскі Валянціна Юшкевіч"

      гэта нейкая пасада, ці як найстарэйшы жыхар?

    4. Сяржук Серабро  
      23/снежань/2009 у 10:18 3

      Пасада.

    5. Litvin  
      23/снежань/2009 у 13:41 4

      “раёнка” не прызнае сваёй віны
      Цiкава, а хто ж вiнаваты. А зварот у суд ад бацькi гэтых дзетак быу? Газэта абавязкова павiнна адказаць за такое паведамленьне(абвiнавачваньне чалавека у алкагалiзме), калi то не так.

    Каментаваць