У Бягомлі грузавік ледзьве не пратараніў самалёт
На мінулым тыдні на скрыжаваньні аўтадарог Мінск-Віцебск і Бягомль – Браслаў кіроўца грузавога аўтамабіля не справіўся з кіраваннем і з’ехаў з кальцавой развязкі на прыдарожую паласу. Пры гэтым аўтамабіль ледзьве не пратараніў усталяваны пры дарозе ў якасці помніка самалёт часоў ІІ Сусветнай вайны “Дуглас”, які з’яўляецца адной з адметнасцяў Бягомля. Паводле словаў відавочцаў, грузавік спыніўся ўсяго ў двух метрах ад самалёта.
