У Віцебску святарскія пасвячэнні прыняў Пётр Рудкоўскі
24 чэрвеня ў касцёле св. Барбары ў Віцебску прыняў святарскія пасвячэнні вядомы беларускі дыякан з ордэна дамініканаў, багаслоў і філосаф Пётр Рудкоўскі. Цэрымонію рукапалажэння ажыццявіў біскуп Віцебскі Уладзіслаў Блін.
Пётр Рудкоўскі нарадзіўся ў 1978 годзе ў мястэчку Канвэлішкі ў Гродненскай вобласці. У 2000 годзе ён уступіў у дамініканскі ордэн. Абараніў магістэрскую дысертацыю па багаслоўі ў дамініканскім калегіуме ў Кракаве і па філасофіі ў Ягелонскім універсітэце. Займаецца сацыяльнай этыкай і метадалогіяй навук, выкладае логіку і метадалогію ў Еўрапейскім гуманітарным універсітэце. Аўтар кнігі “Паўстаньне Беларусі” (2007 г.).
Пётр Рудкоўскі будзе служыць у касцёле св. Барбары ў Віцебску. Плануецца, што будзе працаваць з моладдзю.
