“За свабоду думкі” Някляеў атрымаў прэмію, а не чарговы тэрмін

На гэтых выходных увесь літаратурны свет адзначаў Дзень Нараджэння вялікага беларускага пісьменніка Васіля Быкава. Яму споўнілася б 87 гадоў. У памяць народнага пісьменнніка на яго малой Радзіме 19 чэрвеня ў вёсцы Бычкі Ушацкага раёна прайшло ўрачыстае ўручэнне прэміі “За свабоду думкі”.
19 чэрвеня ў вёсцы Бычкі Ушацкага раёна прайшло  ўрачыстае ўручэнне прэміі “За свабоду думкі”. Фота Анастасіі Броўка

Гэта цырымонія збірае сваю інтэлігентную публіку ўжо ў чацвёрты раз. Дарэчы, стварылі яе па прыкладу прэміі “За свабоду” імя Сахарава, якую ў 2006 годзе атрымаў Александр Мілінкевіч. Ганаровую статуэтку атрымліваюць тыя, хто, па меркаванні журы, яскрава праявіў сябе ў грамадскай, прафесійнай і творчай дзейнасці на карысць Беларусі і Свабоды.

19 чэрвеня ў вёсцы Бычкі Ушацкага раёна прайшло  ўрачыстае ўручэнне прэміі “За свабоду думкі”. Фота Анастасіі Броўка

У гэтым годзе лаўрэатам прэміі стаў паэт, грамадскі дзеяч, палітык Уладзімір Някляеў. Ён распавёў пра сваё сяброўства з Быкавым, і пра тое, як прайшла іх апошняя сустрэча: “Я купіў кветкі і прыехаў да Быкава ў шпіталь, неякавата таптаўся ў калідоры, перад тым як ўвайсці ў палату, і з жахам думаў, як я выйду адтуль, з якімі словамі. Гэту размову я запомню на ўсё жыццё, ён сказаў: “Ведаеш што, Валодзя, ў гэтым жыцці чалавёку трэба: адно само жыццё, адна жанчына і адна кветка!” Васіль Уладзіміравіч не патрабаваў шмат, ён жадаў напоўніць сапраўдным жыццём сваё існаванне. Ён дзеля гэтага жыў, дзеля гэтага пісаў. Зараз ўсё больш адчуваецца недахоп нават не літаратурнага Быкава, а духоўнага. Эканоміку мы адбудуем, гэта не праблема. А вось што мы будзем рабіць з тым пакаленнем, якое адвучана ад беларускасці, якое не ведае столькі слоў па-беларуску, каб разумець самыя простыя сказы, не тое, што быкаўскую прозу. Гэту праблему лукашызм стварыў нам надоўга, але і яе мы вырашым. Быкаў мне неяк сказаў, што мы не паспелі патрапіць у еўрапейскі цягнік, а паколькі ў азіяцкі нас не пусцяць, мы будзем неяк бегчы па сваёй вузкакалейцы ў сваім накірунку, але гэта ў тым выпадку, калі мы распрацуем свой уласны цягніг пад сваю дарогу!”

19 чэрвеня ў вёсцы Бычкі Ушацкага раёна прайшло  ўрачыстае ўручэнне прэміі “За свабоду думкі”. Фота Анастасіі Броўка

Павіншавала Уладзіміра Някляева і родная сястра Быкава - Валянціна Уладзіміраўна, якая з’явілася на цырымоніі ў якасці ганаровага госця.

Упершыню прэмія “За свабоду думкі” была прысуджана Рыгору Барадуліну ў 2008 годзе. У той час яе лаўрэатамі сталі таксама Уладзімір Арлоў і Павел Севярынец. У 2009 ганаровую статуэтку атрымаў мастак Алесь Пушкін. У прошлым годзе ўзнагароду атрымала Ада Райчонак, актывістка з Шаркаўшчынскага раёна, арганізатар шматлікіх мастацкіх пленэраў, стваральнік некалькіх музеяў і заснавальніца Цэнтра імя Язэпа Драздовіча.


Меткі: , ,

Падобнае

    6 каментарыяў

    1. Вшывы Блох  
      21/Чэрвень/2011 у 19:37

      😀

    2. Ліс  
      21/Чэрвень/2011 у 21:37 1

      Найбольшую свабоду думкі і пазіцыі дэманстраваў у мінулым годзе Мікола Статкевіч. Таму і атрымаў самы вялікі тэрмін. Лаурэаты прэміі не зусім адэкватна аднесліся да вызначэння лаурэата на гэты раз. Асабістая сімпатыя шмат што вызначае.

    3. goga  
      21/Чэрвень/2011 у 22:15 2

      Мое личное мнение -на первом фото господа фальшивые. Особенно "миля". Я бы назвал их-политический планктон.

    4. Вшывы Блох  
      22/Чэрвень/2011 у 11:48 3

      Незнаю... Поэт, на мой взгляд, ничего (если все на самом деле так как кажется), а вот борода.... 100пудова скользкий тип...

    5. S_e_r_g  
      22/Чэрвень/2011 у 11:54 4

      Сколько кича! А про международный фестиваль "Днепровские голоса" ни слова... Ресурсу минус!

    6. goga  
      22/Чэрвень/2011 у 18:11 5

      Глаза выдают!!! Мне поначалу поэт тоже нравился. Пусть останется хорошим поэтом.

    Каментаваць