“Лялька” адсвяткавала юбілей

22 кастрычніка Беларускі тэатр “Лялька” адсвяткаваў сваё 25-годдзе. Яго гісторыя распачалася ў сценах акадэмічнага драматычнага тэатра імя Якуба Коласа са стварэннем невялікай лялечнай трупы пад кіраўніцтвам рэжысёра Віктара Клімчука. Першай пастаноўкай стаўся “Дзед і Жораў” паводле п’есы В.Вольскага. За чвэрць стагоддзя віцябляне пабачылі блізу 60 цікавых спектакляў, а многія колішнія гледачы з задавальненнем прыводзяць у “Ляльку” сваіх дзяцей.
“Лялька” адсвяткавала юбілей. Фота Сержука Серабро

Вядома, невялікая глядзельная зала ніяк не магла змясціць усіх жадаючых. Тыя ж, каму пашчасціла завітаць на свята, атрымалі магчымасць пабачыць святочную імпрэзу па матывах самай вясёлай лялькаўскай пастаноўкі – “Дэкамерона”. Не было недахопу ні ў песнях, ні ў танцах, ні ў віншаваннях, ні ў падарунках. А жарты артыста Алеся Маханькова – асноўнага вядучага праграмы – неаднаразова выклікалі смех і апладысменты гледачоў.

“Лялька” адсвяткавала юбілей. Фота Сержука Серабро

Начальнік упраўлення культуры Віцебскага аблвыканкама Уладзімір Цярэнцьеў выказаў спадзяванне, што праз пяць гадоў “Лялька” будзе святкаваць свой дзень народзінаў у новым будынку, на вуліцы Энгельса, дзе ў глядзельнай зале можна будзе сабраць значна больш прыхільнікаў тэатральнага майстэрства. Уладзімір Уладзіміравіч прынёс з сабою граматы і падзякі аблвыканкама для некалькіх артыстаў. Акрамя гэтага, самыя адданыя члены калектыву былі адзначаныя ўзнагародамі абласнога і гарадскога ўпраўленняў культуры, Кастрычніцкага райвыканкама, а таксама рэспубліканскага і абласнога камітэтаў прафсаюзу работнікаў культуры.
Павіншаваць калег прыехалі кіраўнікі ўсіх лялечных калектываў Беларусі, а таксама дырэктар Смаленскага тэатра лялек. Завітаў на свята і госць з далёкага замежжа – вядомы балгарскі пісьменнік Панча Панчаў. Некалькі дзесяцігоддзяў таму адна з яго п’ес ішла на сцэне тэатра імя Якуба Коласа, а ў лютым гэтага года Віктар Клімчук паставіў на сцэне “Лялькі” спектакль па п’есе П.Панчава “Прынцэса і Свінапас”.

“Лялька” адсвяткавала юбілей. Фота Сержука Серабро

Самым яркім і відовішчным аказалася віншаванне ад імя калектыву акадэмічнага драматычнага тэатра імя Якуба Коласа. Праўда, падарыць Віктару Клімчуку сваю каларытную шапачку блазна Рыгор Шацько адмовіўся – адгаварыўся тым, што гэта частка рэквізіту.

“Лялька” адсвяткавала юбілей. Фота Сержука Серабро

Няхай жа споўняцца шматлікія пажаданні юбілярам – тады працяг гісторыі “Лялькі” абяцае быць светлым і радасным, нягледзячы на цяперашнія фінансавыя праблемы, што ставяць пад пытанне ўдзел у бліжэйшых значных міжнародных фестывалях. А гледачы атрымаюць яшчэ больш задавальнення ад спектакляў любімага калектыву.

“Лялька” адсвяткавала юбілей. Фота Сержука Серабро

“Лялька” адсвяткавала юбілей. Фота Сержука Серабро

“Лялька” адсвяткавала юбілей. Фота Сержука Серабро

“Лялька” адсвяткавала юбілей. Фота Сержука Серабро

“Лялька” адсвяткавала юбілей. Фота Сержука Серабро


Меткі: , , ,

Падобнае

    2 каментарыя

    1. rezoner  
      27/Кастрычнік/2011 у 8:10

      Очень повезло Витебску, витебским детишкам, что у нас
      здесь и сейчас есть такое чудо.
      Каждый приход туда праздник.
      Сказочный мир. Атмосфера волшебства и любви к детям.
      Дают всегда больше чем ожидаешь, с избытком.

      В отличии от "дня рождения в макдональдсе", 5-ти Д-технологий, разных шарлатанских выставок и аттракционов,
      выходя из которых, чувствуешь только одно - опять развели 🙂

    2. goga  
      27/Кастрычнік/2011 у 18:21 1

      +500 !!! Нечего даже добавить. Удачи "ЛЯЛЬКЕ" !!!!!!!!!

    Каментаваць