У Віцебску адкрылася выстава Сяргея Чарціліна “Nature Morte”
2 лістапада ў выставачнай зале Віцебскага цэнтра сучаснага мастацтва адкрылася выстава “Nature Morte” мастака Сяргея Чарціліна, які зараз жыве ў Мінску, але шмат чым звязаны з Віцебскам.
Спадар Чарцілін вучыўся ў нашым горадзе на мастацка-графічным факультэце Віцебскага дзяржаўнага ўніверсітэта. Павітаць свайго вучня, а цяпер сябра Беларускага саюза масткаў, прыйшло шмат выкладчыкаў ВДУ.
Экспазіцыя “Nature Morte” з большага складаецца з нацюрмортаў, выкананых у тэхніцы фактурнага жывапісу, што і абумовіла назву. Цікава, што ў мінулым годзе адну з такіх карцін у Сяргея набылі Уладзімір Праснякоў і Наталля Падольская. Другая частка назвы ў Сяргея Чарціліна звязваецца з цяжкай аперацыяй, якую нядаўна перанёс мастак, падчас якой ён пабываў у стане клінічнай смерці.
Аўтар выставы здзіўляў не толькі сваімі мастацкі здольнасцямі, але і музычнымі — гасцей ён сустракаў з электрагітарай у руках пры падтрымцы двух музыкаў з гурта “Зорка”.
