Фестываль “Птушкай будзь!”

5 лістапада ў Браславе прайшоў фестываль рэлігійнай песні “Птушкай будзь!”. Ужо пяты год арганізатарам гэтага мерапрыемства з’яўляецца парафія Нараджэння Маці Божай.
Фестываль “Птушкай будзь!”. Фота Аляксандра Ваўковіча

Пробашч айцец Лешэк Вітвіцкі на пачатку св. Імшы зазначыў, што таленты трэба развіваць. Гэта Божы дар, які нельга закопваць у зямлю. Святар прывітаў удзельнікаў фестывалю і пажадаў усім поспехаў у спаборніцтве.

Фестываль “Птушкай будзь!”. Фота Аляксандра Ваўковіча

Пасля св. Імшы у парафіяльным будынку адбылося само мерапрыемства. Гурты з розных парафій Віцебскай дыяцэзіі спявалі песні і гралі на інструментах. Фестываль наведалі і госці: гурт з Мінска “Небасхіл”, а таксама фолк-гурт Pete Paff.

Фестываль “Птушкай будзь!”. Фота Аляксандра Ваўковіча

Паводле ацэнкі журы найлепш сваю музычную праграму прадставілі гурты з Дзеркаўшчыны і Друі. Яны падзялілі першае месца. Моладзь з Глыбокага атрымала другое месца, а выканаўцы з Ахрэмаўцаў аказаліся на трэцім. Усе пераможцы атрымалі прызы і памятныя граматы. Варта зазначыць, што журы ўзнагародзіла гурт з Ахрэмаўцаў прызам глядацкіх сімпатый, а Святлана Трапук, выканальніца ахрэмаўскага гурта была адзначана за высокі ўзровень выканаўчага майстэрства. Таццяна Ікановіч з Дзеркаўшчыны таксама атрымала прыз сімпатый журы.

Фестываль “Птушкай будзь!”. Фота Аляксандра Ваўковіча

Фестываль “Птушкай будзь” спрыяе не толькі згуртаванню моладзі вакол Евангелля і Касцёла, але і дапамагае маладым людзям адкрыць у сабе выканальніцкія таленты. Несумненна гэтае мерапрыемства прыносіць карысць не толькі парафіям Віцебскай дыяцэзіі, але і робіць свой унёсак у развіццё культуры на Браслаўшчыне і ва ўсёй Віцебскай вобласці.

Фестываль “Птушкай будзь!”. Фота Аляксандра Ваўковіча

Фестываль “Птушкай будзь!”. Фота Аляксандра Ваўковіча

Фестываль “Птушкай будзь!”. Фота Аляксандра Ваўковіча

Меткі: , ,

Чытайце яшчэ