Тры дні ў Віцебску будзе гучаць духоўная музыка

У драмтэатры імя Я.Коласа 7 студзеня, на Божае Нараджэнне па календары праваслаўнай канфесіі, у дзевятнаццаты раз пройдзе традыцыйнае свята духоўнай музыкі. Гэтае свята, дарэчы, адно з самых любімых у віцяблян. І яно толькі на год маладзей, чым знакаміты фестываль “Славянскі базар”.

Сёлета перад слухачамі выступяць: народны гарадскі моладзевы хор пад кіраўніцтвам Віталя і Аляксандра Раўза, народны камерны хор Цэнтра культуры “Віцебск”, мужчынскі хор «Акцыёз», акадэмічны хор і хор фартэпіяннага аддзялення музычнага каледжа імя І.І. Салярцінскага, хор Віцебскага дзяржаўнага ўніверсітэта імя П.Машэрава, народны хор ветэранаў «Надзея» з Віцебскага дома-інтэрната састарэлых і інвалідаў, царкоўныя хоры Віцебскай епархіі.

Прыедуць таксама калектывы з Ушачаў, аграгарадка Астроўна. Аматары духоўнай музыкі пачуюць і сольныя спевы – на сцэну выйдуць маладыя музыкі Арсеній Садыкаў, Кацярына Крыўко, Яна Русакова. Пачатак канцэрта – у 15.00.

Дарэчы, Арсенія Садыкава – музыканта з Полоцка, можна будзе пачуць і напярэдадні Раства Хрыстова. Ягоны сольны фартэпіянны канцэрт адбудзецца 6 студзеня ў Музычнай гасцёўні. Пачатак а 14-й.

8 студзеня на канцэрт запрашаюць у царкву Пераўтварэння Гасподняга (ніжні храм Свята-Успенскага кафедральнага сабора). Тут у 14.00 пачнецца сумесны канцэрт духоўнай музыкі народнага гарадскога моладзевага хору (кіраўнікі Віталь і Аляксандр Раўза) і хору «Даўгава» (кіраўнік Яўген Усцянкоў) Цэнтра латышскай культуры горада Даўгаўпілса (Латвія).


Меткі: , ,

Падобнае

    2 каментарыя

    1. BY  
      5/студзень/2012 у 14:33

      "...Ни Акрополь, ни Баальбек, ни Фивы, ни Пестум, ни святая София, ни старые церкви в русских Кремлях и доныне несравнимы для меня с готическими соборами. Как потряс меня орган, когда я впервые (в юношеские годы) вошел в костел, хотя это был всего на всего костел в Витебске! Мне показалось тогда, что нет на земле более дивных звуков, чем эти грозные, скрежещущие раскаты, гул и громы, среди которых и наперекор которым вопиют и ликуют в разверстых небесах ангельские гласы ...".
      А.Бунин (отрывок из романа «ЖИЗНЬ АРСЕНЬЕВА» (1933)).
      Имеется ввиду орган костела Св. Антония.
      Как описано...как будто рядом стоишь.

    2. BY  
      5/студзень/2012 у 14:38 1

      Прошу прощения за предыдущий комментарий. Виноват.
      И.Бунин (отрывок из романа «ЖИЗНЬ АРСЕНЬЕВА» (1933)).

    Каментаваць