Народныя навіны ВіцебскаНародные новости Витебска

Учора ў віцебскім Палацы спорту завяршыўся міжнародны юнацкі турнір па хакею з шайбай “Калядны лёд”. У ім бралі ўдзел адна каманда з Беларусі (ХК “Віцебск”) і пяць – з Расіі.

Віцебскім хакеістам, каб заваяваць галоўны трафей спаборніцтва, неабходна было ў заключнай сустрэчы турніра абыграць “Срэбраных акул” з Масквы. І юныя землякі ў гэтым матчы былі вельмі блізкімі да вікторыі. Але за некалькі хвілін да фінальнай сірэны, перамагаючы 3:2, гаспадары турніра прапусцілі дзве шайбы і аддалі перамогу масквічам. У серыі пасляматчавых кідкоў на салодкі прыз юнакі з расійскай сталіцы зноў пераўзышлі сваіх апанентаў з “Віцебска”.

У выніку калядных баталій каманды заваявалі наступныя месцы:

1. ХК “Дзімітраў” (г.Дзімітраў, Расія)
2. ХК “Віцебск”
3. ХК “Срэбраныя акулы” (г.Масква)
4. ХК “Іскра” (г.Адзінцова, Расія)
5. ХК “Капітан” (г.Ступіна, Расія)
6. ХК “Рэгіён-23” ( г.Краснадар, Расія)

На ўрачыстым закрыцці былі вызначаны і ўзнагароджаны лепшыя гульцы ў намінацыях:

• Максім Кудраўцаў (“Дзімітраў”) – лепшы варатар
• Аляксандр Пілія (“Віцебск”) – лепшы нападаючы
• Дзмітрый Бычкоўскі (“Іскра”) – лепшы бамбардзір
• Уладіслаў Новікаў (“Срэбраныя акулы”) – лепшы абаронца
• Захар Бойка (“Капітан”) – самы каштоўны гулец
• Дзмітрый Чуль (“Рэгіён - 23”) – лепшы гулец