Ва ўпартай барацьбе ХК ”Віцебск” саступіў “Гомелю”

Апошні матч віцебскіх хакеістаў у гэтым першынстве абярнуўся лядовым трылерам. Самааддачы і волі да перамогі віцяблянам у гэтым паядынку было не занімаць.

ХК “Віцебск” у заключным для сябе матчы прымаў аднаго з лідараў чэмпіяната – “Гомель”. Пасля першага перыяда былі ўсе падставы меркаваць, што гульня завершыцца чарговым разгромам нашай каманды. На той момант яна ляцела з лікам 0:4. І лічбы гэтыя нязменна трымаліся да сярэдзіны другой трэці.

А потым панеслася! Нашы хлопцы за чатыры з паловай хвіліны зраўнялі лік. І закруцілі інтрыгу ў матчы. Антон Елісеенка тройчы прыклаўся да галявых поспехаў віцебскай дружыны. На яго рахунку – дзве шайбы і выніковая перадача.

На старце заключнага перыяда гасцям удалося выйсці наперад і захаваць галявую перавагу да фінальнай сірэны (4:5). Аднак “Гомелю” было вельмі несалодка ля сваёй брамы. Нашы “мядзведзі” смажылі там будзь здароў, але шайба ніяк не хацела залятаць у вароты “рысяў”. За 30 секунд да завяршэння сустрэчы гомельскаму варатару ўдалося спыніць шайбу практычна на лініі варот.


Меткі: , ,

Падобнае

    1 каментар

    1. Мука Лудак  
      2/сакавік/2012 у 11:45

      Упартыя барацьбiты...)))))))))

    Каментаваць