Крыжовы шлях на Мосарскай Кальварыі

Кожны чалавек у сваім жыцці праходзіць шлях, дзе ёсць Узнёсласці і падзенні, радасці і горычы, раўніны і ямы…
Крыжовы шлях на Мосарскай Кальварыі

На распачацце святых велікапосных рэкалекцый у пятніцу, 16 сакавіка, у Мосары вернікі прайшлі Крыжовы шлях пакаяння па Кальварыі, каб зноў перажыць таямніцу крыжовага адкуплення чалавецтва і смерці Езуса Хрыста.

Крыжовы шлях на Мосарскай Кальварыі

На гэтае адмысловае набажэнства вернікі прыйшлі, трымаючы ў сваіх руках крыжы, прынесеныя з дому. Разважанне кожнай стацыі падрыхтавалі самі парафіяне і падчас Крыжовага шляху неслі вялікі бярозавы крыж, як сімвал Хрыстовага Крыжа.

Крыжовы шлях на Мосарскай Кальварыі

Пасля ўрачыстага благаслаўлення пры апошняй стацыі душпастыр парафіі, ксёндз Аляксей Юркайць, заахвоціў вернікаў скарыстацца ласкай Адпусту і прыняць плённы ўдзелу ў рэкалекцыях, а таксама нагадаў, што намаганнямі памерлага кс. Юозаса Булькі 10 кастрычнiка 2004 г., у дзень 490-годдзя летапіснага ўспаміну Мосара, на Гары Крыжоў быў устаноўлены велізарны крыж, як працяг Мосарскай Кальварыі, таму ў 2014 годзе будзе адзначацца 500-годдзе Мосара і да Юбілею вёскі Мосар надалей таксама будуць адбывацца свецыяльныя набажэнствы і парафіяльныя падзеі.

Крыжовы шлях на Мосарскай Кальварыі

Набажэнства Крыжовага шляху на Мосарскіх могілках было цудоўнай магчымасцю не толькі падзяліць з Езусам цяжар Крыжовай дарогі, але ўбачыць сваю слабасць і нявернасць і паглядзець на ўласнае жыццё ў духу жалю за ўчыненае зло, грахі, каб, ачысціўшыся ад іх, з радасцю і надзеяй сустракаць Велікдзень – свята Ўваскрасення, што ёсць сэнсам нашага жыцця і веры. Як казаў апостал Павел: “Калі Хрыстос не Ўваскрос, дык дарэмная вера вашая”(1 Кар 15, 17).

Падчас рэкалекцый Суддзя касцёльнага суда Віцебскай дыяцэзіі і душпастыр дзеркаўшчынскай парафіі кс. Віталь Галец дапамог вернікам зноў перажыць навяртанне і адрадзіць нанова веру ў Хрыста, каб захоўваючы яе пяшчотна ў сэрцах, як каштоўны скарб ў гліняных начыннях, мы маглі сустрэць Уваскрасенне!!!


Меткі: ,

Падобнае

    Каментаваць