У Шуміліна спыніў бізнэс апошні майстар па рамонту халадзільнікаў

Ці можна адрамантаваць халадзільнік у Шуміліна без галаўнога болю? Не атрымаецца! І халадзільнік, як любая рэч, можа псавацца. Зімой чалавек можа абысціся і без яго (калі, вядома, ёсць халодная веранда), летам жа без халадзільніка як без рук.
У Шуміліна спыніў бізнэс апошні майстар па рамонту халадзільнікаў

Гэтую жыццёвую ісціну згадваеш кожны раз, як толькі замаўкае матор халадзільніка. “Куды яго здаць, каб адрамантавалі?” — з трывогай думаеш і ліхаманкава перабіраеш усе магчымыя варыянты.

Варыянт першы, які быў некалі самым выгадным і зручным, адпаў, як жоўты ліст па восені. Гэта варыянт — здаць халадзільнік у рамонт у Шуміліне. Быў некалі майстар, біў сваю машыну, збіраў няспраўныя халадзільнікі па раёне. Аднак ён кінуў свой промысел.

Варыянт другі — завезці халадзільнік у Полацк. Ёсць там Дом быту. Але ж для таго, каб завезці, патрэбна бартавая машына (халадзільнік трэба весці вертыкальна, тарчма). Заплаціш за транспарт, завязеш, памяняюць табе праз тыдзень камеру ці яшчэ што, і ты зноў заказваеш бартавую машыну. У якую капеечку выльецца паслуга? Не кажыце: залаты будзе рамонт! Тым больш, што табе далі гарантыю не на два ці тры гады — на месяц-другі. Добра, калі, як кажуць, добра, а калі зноў сапсуецца?.. Вось такі галаўны боль!..

Варыянт трэці — купіць новы халадзільнік. Ёсць яны ва ўнівермагу, хаця выбар невялікі. Таму вымушаны ехаць у той жа Полацк ці Віцебск. Выбіраеш, і калі табе пашчасціць з фірмай, то могуць і прывезці. Толькі “адлушчвай” купюры, бо за новы халадзільнік, нават “Атлант”, не ўкладзешся ў тры мільёны рублёў. Адным наскокам, за месяц, яго не купіш, трэба збіраць грошыкі.

Ёсць і апошні, самы просты варыянт: выкінуць халадзільнік на сметнік і перайсці на дзедаўскі спосаб захоўвання прадуктаў (варыўня, кублы для сала — калі, вядома, гадуеш парсюкоў). Але гэта пры ўмове, калі маеш асабняк. А што калі жывеш у кватэры?.. Ды і кажуць: выкідваць халадзільнік непажадана, бо ў ім ёсць шкодныя рэчывы…

Дык што — тупік?..

Мікалай ШОСТАК - "Герой працы" №25


Меткі: , ,

Падобнае

    5 каментарыяў

    1. Сергей  
      28/сакавік/2012 у 17:22

      Надо осваивать самому все механизмы холодильника.

    2. goga  
      29/сакавік/2012 у 9:25 1

      А ничыво страшнава. Раньшы жыли биз халадильникаф посли вайны. И очынь харашо жыли. А какии радасныи все были. Зачэм ваабшчэ в зимлянки халадильник ???

    3. rezoner  
      29/сакавік/2012 у 10:10 2

      Люди в Беларуси стали жить лучше, не хотят ничего ремонтировать. Сразу меняют на новое.

      Поэтому мой сосед, дипломированный мастер по ремонту холодильного оборудования, вынужден ездить на российские стройки месить бетон.
      Вместо того, чтобы заниматься ремонтом холодильников. У него и газель была 🙂

    4. sak  
      30/сакавік/2012 у 14:46 3

      сейчас люди покупают новые холодильники а не ремонтируют старые

    5. mazaav  
      30/сакавік/2012 у 15:11 4

      Кто будет ремонтировать старый холодильник за половину цены нового? Это не актуально, тем более в Шумилино, за 35 км. от Витебска. Надо быть мудаком, что бы открыть сервис по ремонту холодильников, Люди за сдачу стеклотары либо сбор листвы в лесу больше имеют. Если поломка мелкая, то любой электрик за бутылку шмон наведет, а если что серьезное - то только покупка нового.

    Каментаваць