Саветчына і пудзілы – трэнд сёлетніх кірмашоў на «Славянскім базары»

Рамеснікі і гандляры ў славутым “Горадзе майстроў” на “Славянскім базары” кожны год стараюцца чымсьці здзівіць жыхароў і гасцей Віцебска. Сёлетняй “фішкай” сталі савецкія лозунгі, плакаты ды іншая атрыбутыка, а таксама пудзілы лясных звяроў і птушак.

У гэтым годзе кірмашы рамеснікаў разгарнуліся ажно ў трох месцах: у культурна-гістарычным комплексе “Залатое кола Віцебска “Дзвіна”, на вуліцы Суворава і ў парку Пераможцаў. У апошнім – упершыню. Свае падворкі выставілі ўсе рэгіёны Віцебшчыны.

Месцамі “Горад майстроў” нагадвае парк савецкай эпохі. Асабліва, як ні дзіўна, пастараліся палачане. У полацкім падворку на Суворава на возе сядзіць мужчынка, над ім плакат “Кто работает в колхозе, в хлебе не нуждается”. Тут жа напамін аб калектывізацыі, Першамаі, пяцігодках. Мужыкі п’юць піва ў павільёне пад заклікам “Пролетарии всех стран, соединяйтесь!”.  А той, кім сапраўды могуць ганарыцца палачане, - Скарына, знаходзіцца пад густым шашлычным дымам.

Але яшчэ большую “фантазію” праявілі гаспадары павільёна каля “Трох штыкоў” на плошчы Перамогі – тут можна выпіць пад плакатами «Родина-мать зовет!» і «Дойдем до Берлина». Сапраўдны здзек над подзвігам нашых дзядоў.

Між іншым,  паабедаць "на хуткую руку" ў шапіках у парку Пераможцаў не грэбуюць нават аблвыканкамаўскія чыноўнікі.  У адным з павільёнаў сустрэлася жанчына, на якую ніколі не падумаў бы, што яна будзе есці з пластыкавых талеркі і стаканчыка.

Пудзілы – дзікоў, глушца, аленя, зайца – сустракаюцца ў парку Пераможцаў амаль праз крок. За сімвалічную плату – тысячу рублёў – побач з мёртвымі жывёламі можна сфатаграфавацца. Добра, што на такой спякоце пудзілы не псуюцца…

У пачатку Суворава, каля Уваскрасенскага храма, з’явілася графіці агромністымі літарамі “Віцебск-2012”. Напэўна, для тых, хто згубіцца ў часе і прасторы ад бяссонных гулянак. А на каналізацыйных люках – цяпер рознакаляровыя выявы васількоў.  Калі раней ніхто не заўважаў, колькі на вуліцы гэтых люкаў, то зараз на іх толькі акцэнтавалі ўвагу. Прыгожага мала: каналізацыя з сімвалам “Славянскага базара”.

Адным словам, у наш прыгожы, месцамі нават выкшталцоны Віцебск прышоў, як кажуць у народзе, “славянскі бардак”.


Меткі: , ,

Падобнае

    12 каментарыяў

    1. dobry  
      12/Ліпень/2012 у 9:01

      Але яшчэ большую “фантазію” праявілі гаспадары павільёна каля “Трох штыкоў” на плошчы Перамогі – тут можна выпіць пад плакатами «Родина-мать зовет!» і «Дойдем до Берлина». Сапраўдны здзек над подзвігам нашых дзядоў.

      Ганьба. Я лічу "адказныя асобы" павінны з гэтым нешта зрабіць.

    2. Тутэйшы  
      12/Ліпень/2012 у 9:30 1

      Подскажите где в "Городе мастеров" можно купить Беларуский БРЫЛЬ?

    3. Яна Ільіна  
      12/Ліпень/2012 у 9:47 2

      @ Тутэйшы:
      Па-мойму, шмат дзе. Пахадзіце па "Задзвінню".

    4. Яна Ільіна  
      12/Ліпень/2012 у 9:47 3

      @ dobry:
      "Адказным асобам" абы грошы з гэтага фестываля атрымаць.

    5. Тутэйшы  
      12/Ліпень/2012 у 10:00 4

      @ Яна Ільіна:
      Дзякую.

    6. Яна Ільіна  
      12/Ліпень/2012 у 10:42 5

      Людзі, напішыце, як вы разумееце сэнс лозунга “Кто работает в колхозе, в хлебе не нуждается”?
      Пры ўсёй сваёй творчай фантазіі - не даганяю...
      Гэта што значыць, калгаснік жыве толькі адной працай? Ці ён можа браць з калгаса ўсё, што дрэнна ляжыць, і прадукты не набываць? Ці ён такі багаты і сыты, што яму можна пазайздросціць?

    7. Сяржук Серабро  
      12/Ліпень/2012 у 11:34 6

      Яна Ільіна пісаў:

      @ Тутэйшы:
      Па-мойму, шмат дзе. Пахадзіце па “Задзвінню”.

      Саламяных капелюшоў і ўвогеле пляценне з саломкі я не бачыў у задзвінні. У асноўным кітайшчына нейкая. 8(

    8. goga  
      12/Ліпень/2012 у 13:56 7

      Учора там быу-неяк сёлета слабавата. Але дзежку сабе купиу дубовую...

    9. Яна Ільіна  
      12/Ліпень/2012 у 16:32 8

      goga пісаў:

      дзежку сабе купиу дубовую…

      Клас! А што будзеце з ёй рабіць? Агуркі саліць, капусту квасіць?

    10. goga  
      12/Ліпень/2012 у 16:58 9

      Для капусты. Для гуркоу ды грыбоу былi ядлауцовыя, тэж невялiкiя для халадзiльнiка....

    11. Сергей  
      13/Ліпень/2012 у 18:41 10

      Есть два билета на концерт Фестиваль без границ (Израиль) - 5 ряд места посередине. В воскресенье в 17-00

      http://vk.com/id14701463

    12. лесавік  
      13/Ліпень/2012 у 20:28 11

      @ Яна Ільіна:
      Сэнс - у калгаснікаў заўсёды хлеб на стале, у некалгаснікаў-адзінаасобнікаў, задушаных несумернымі падаткамі як прыйдзецца...Уступайце ў калгасы, несознательные элементы...

    Каментаваць