У Полацкім раёне пакусаліся дачніцы

Дзве жанчыны пакусалі адна адну, і справа дайшла да суда. Інцыдэнт адбыўся ў Полацкім раёне на тэрыторыі дачнага таварыства. 62-гадовая пенсіянерка хацела выліць нечыстоты ў вадаём пажарнага прызначэння, які знаходзіцца на зямельным участку 54-гадовай суседкі. Апошняя зрабіла заўвагу, а пенсіянерка выліла нечыстоты суседцы на галаву і... укусіла суседку за палец. А пацярпелая ўкусіла "суперніцу" за брыво.

— Падчас расследавання крымінальнай справы было ўстаноўлена, што паміж жанчынамі даўно ўзнік канфлікт. Пастаянна сварыліся. Прыгаворам суда 62-гадовая жанчына была аштрафавана на 3,5 мільёна рублёў, а 54-гадовая — на 4 мільёны. Жанчыны, у сваю чаргу, патрабавалі адна ад адной кампенсацыі за прычыненую маральную шкоду і страту здароўю, — расказвае Віталій Сузанскі, старшы пракурор аддзела па наглядзе за законнасцю судовых пастаноў па крымінальных справах пракуратуры Віцебскай вобласці. — У выніку 62-гадовая жанчына была абавязана выплаціць 4 мільёны рублёў, а яе суседка — 5 мільёнаў. Але ж абласны суд згодна з законам аб амністыі, вызваліў пенсіянерку ад пакарання. У выніку яна нічога не заплаціла, але кампенсацыю ад суседкі атрымала.

Аляксандр Пукшанскі - "Звязда"


Меткі: ,

Падобнае

    2 каментарыя

    1. Вшывы Блох  
      29/Ліпень/2012 у 13:11

      А где фото этого зоопарка???
      🙂
      Как говаривала одна моя знакомая: Маразм не оргазм...
      🙂

    2. ruti  
      1/жнівень/2012 у 23:01 1

      Люди, опомнитесь...

    Каментаваць