Фотафакт: Каля Кіраўскага маста пабудуюць яшчэ адну лесвіцу
Пачаліся падрыхтоўчыя працы для будаўніцтва лесвіцы на набярэжнай каля Кіраўскага маста з боку Дабравешчанскай царквы.
Новая лесвіца павінна быць сіметрычнай і аднолькавай з той, якая пабудаваная яшчэ ў савецкія часы з боку тэатра імя Якуба Коласа. Такім чынам можна будзе спусціцца да Дзвіны з абодвух бакоў маста не пераходзячы Замкавую вуліцу.
Па словах рабочых за землянымі працамі назіраў археолаг, аднак карэспандэнту народных навінаў застаць яго не ўдалося.