“Лялька” перамагла на фестывалі ў Данецку

Беларускі тэатр “Лялька” прадставіў Віцебск на міжнародным і рэспубліканскім узроўні. Тэатр прыняў удзел у рэспублiканскім конкурсе тэатральнага мастацтва "Нацыянальная тэатральная прэмiя" ў Мінску і фестывалі “Лялькові зустрічі – 2012” у Данецку (Украіна).

12 лістапада тэатр прэзентаваў на конкурсе ў Мінску відовішчны, насычаны песнямі і танцамі спектакль для дзяцей “Прынцэса і Свінапас” паводле казкі Ханса Крысціяна Андэрсэна. Спектакль быў вельмі цёпла прыняты гледачом.

У гэты ж дзень у межах міжнароднага фестываля ў Данецку прайшоў спектакль для дарослых “Загубленая душа, або Пакаранне грэшніка”, створаны паводле адной з навел твора “Шляхціц Завальня, альбо Беларусь у фантастычных апавяданнях” беларускага пісьменніка ХІХ стагоддзя Яна Баршчэўскага. Для гледача яго разыгрываюць “навучэнцы” Полацкага езуіцкага калегіума, элітнай навучальнай установы, дзе ў свой час вучыўся сам пісьменнік. Па правілах езуіцкага тэатра ў прадстаўленні ўдзельнічаюць выключна мужчыны. Выконваючы ролі, яны ўносяць у дыдактычны сюжэт гісторыі трапныя жарты. А павучальны змест і трагічны фінал п’есы, прапушчаныя праз прызму гумару, набываюць незвычайную лёгкасць.

Праца артыстаў была станоўча адзначана журы, а спектакль “Загубленая душа…” прызнаны найлепшым з усіх прадстаўленых на фестывалі. “Беларускі тэатр “Лялька” стаў пераможцам “Ляльковіх зустріч”.


Меткі: , ,

Падобнае

    4 каментарыя

    1. Аляксандр  
      20/Лістапад/2012 у 21:04

      Віншую Ляльку!!!

    2. cinic  
      20/Лістапад/2012 у 22:01 1

      МАЛАЙЦЫ !!!

    3. Licvin  
      20/Лістапад/2012 у 23:26 2

      Малайцы!!! Віншую...
      У чацьвер ідзем да вас на "Брэменскіх музыкаў"... Ў пяты раз ужо, напэўна...

    4. Поликлет  
      2/снежань/2012 у 0:27 3

      Талантливый театр! Есть чем гордиться

    Каментаваць