Генадзь Бураўкін: З такім гімнам жыхарам Віцебска можна толькі паспачуваць

24 кастрычніка ў Віцебску ў чытальнай зале адбылася творчая сустрэча з вядомым беларускім паэтам, ураджэнцам Расоншчыны, Генадзем Мікалаевічам Бураўкіным.
Сустрэча з Генадзем Бураўкіным у Віцебску. Фота Сержука Серабро

Падчас сустрэчы, на якую прыйшло каля двухсот чалавек, Генадзь Мікалаевіч чытаў як свае новыя вершы, так і творы, добра знаёмыя чытачам. Завяршылася літаратурная частка знакамітай “Малітвай”, а пасля паэт адказваў на шматлікія пытанні прысутных.

Сустрэча з Генадзем Бураўкіным у Віцебску. Фота Сержука Серабро

Адным з пытанняў была просьба пракаментаваць перамогу ў конкурсе на гімн Віцебска тэксту Тамары Красновай-Гусачэнка “Песня аб Віцебску”. На што спадар Бураўкін зазначыў, што знаёмыя па тэлефоне зачытвалі яму тэксты, якія удзельнічалі ў конкурсе, і з такім гімнам жыхарам Віцебска застаецца толькі шчыра паспачуваць.

Сустрэча з Генадзем Бураўкіным у Віцебску. Фота Сержука Серабро

Таксама ўдзельнікаў сустрэчы цікавілі адносіны Генадзя Бураўкіна да намінавання Святланы Алексіевіч на Нобелеўскую прэмію па літаратуры. Па словах паэта, на яго густ творы Алексіевіч больш яскравыя, чым у канадкі Эліс Манро, якая сёлета перамагла.

Сустрэча з Генадзем Бураўкіным у Віцебску. Фота Сержука Серабро

Акрамя гэтага, спадару Бураўкіну прыйшлося адказваць на пытанні пра стан беларускай мовы ў дзяржаве і адносіны да яе першай асобы гэтай дзяржавы, пра сучаснае беларускае тэлебачанне і шэраг іншых.

Сустрэча з Генадзем Бураўкіным у Віцебску. Фота Сержука Серабро

Сустрэча з Генадзем Бураўкіным у Віцебску. Фота Сержука Серабро

Меткі: , , ,

Чытайце яшчэ