Віцебская філія ТБМ звярнулася да ўрада з прапановай ушанаваць памяць Генадзя Бураўкіна

Віцебская абласная рада грамадскага аб’яднання “Таварыства беларускай мовы імя Францыска Скарыны” звярнулася да прэм’ер-міністра Міхаіла Мясніковіча і кіраўніка адміністрацыі прэзідэнта Андрэя Кабякова з прапановай ушанаваць памяць Генадзя Бураўкіна.
Генадзь Бураўкін пад час апошняга візіту ў Віцебск. Фота Сержука Серабро

У сваім звароце віцебскія сябры ТБМ адзначаюць вялікі ўклад у развіццё Беларусі, які ўнёс Генадзь Мікалаевіч Бураўкін як паэт, дзяржаўны і грамадскі дзеяч. Усё яго жыццё – прыклад самаадданага служэння сваёй Радзіме,— падкрэсліваецца ў лістах.

Для ўшанаванні памяці нашага славутага земляка ТБМ прапануе наступнае:
Выдаць у дзяржаўным выдавецтве да 80-годдзя паэта выбраныя яго творы;
Усталяваць у Мінску на доме, дзе жыў Г.М. Бураўкін, Мемарыяльную дошку;
Назваць у гонар Г.М. Бураўкіна вуліцы ў Мінску, Полацку, Расонах;
Прысвоіць імя Г.М. Бураўкіна адной з бібліятэк на радзіме паэта (на Віцебшчыне).

Нагадаем, што Генадзь Мікалаевіч пайшоў з жыцця 30 мая 2014 года.

  •  
  •  
  •  
  •  
  •  
  •  
  •  
  •  
  •  
  •  
  •  
  •  
Меткі: , ,

Чытайце яшчэ

1 каментар

  1. Litvin  
    8/Ліпень/2014 у 20:34

    ТБМ прапануе наступнае:

    I што з гэтых прапаноў будзе прынята? На маю думку, так можа стацца, што i нiчога.

Каментаваць

Вы павінны увайсці каб каментаваць.

Можна ўвайсці праз: