Гурт Trubetskoy прывязе ў Віцебск новы альбом

20 лістапала ў клубе "Чердачок" выступіць гурт Trubetskoy, які прыедзе са свежавыдадзеным альбомам "Magister Bibendi". У перакладзе з лацінскай гэта значыць "настаўнік піцця" ці "распарадчык папойкі".
Гурт Trubetskoy прывязе ў Віцебск новы альбом

"Я здаўна маю татуіроўку з гэтымі словамі і раней успрымаў іх літаральна, – распавядае франтмэн Trubetskoy Павел Булатнікаў. – Тыпу гэта такі весялун, гаварун, чалавек з лёгкай рукой – калі ён разлівае, у людзей не бывае пахмелля. Усё гэта так, але цягам працы над альбомам у словаў Magister Bibendi пачалі адкрывацца нейкія новыя для нас сэнсы, і ўсе песні так ці інакш з імі звязаныя".

"Я лічу, што Magister Bibendi – гэта дух, чыю волю транслюе гурт Trubetskoy, – працягвае прадусар калектыва Яўген Калмыкоў. – Можаце лічыць, што гэта адначасова Дух Ракенролу, і Дыяніс – бог вінаробства і натхнення, і Барон Субота – апякун куцяжоў і праваднік паміж сусветамі, у нашым выпадку – паміж светам мінулага і светам будучага".

Асаблівасцю новага рэліза стала тое, што над ім працавалі людзі з розных краін – "сапраўдная інтэрбрыгада". Са словаў расійскага прэс-атташе гурта Trubetskoy Аляксандра Бергера: "Гэтую пласцінку запісвалі ў Літве, за гук адказваў саундпрадусар з Нарвегіі, тэксты для песень складалі ў Мінску, Кіеве, Вільні, Маскве, Варне, майстэрынг альбома рабілі ў Лондане, кліп мантавалі ў Любляне, і гэтак далей. А яшчэ на гэтым альбоме песні на трох мовах: рускай, беларускай і ўкраінскай".

Канцертныя прэзентацыі альбома "Magister Bibendi" адбудуцца 4 лістапада ў Санкт-Пецярбургу, 8 лістапада ў Кіеве, 15 лістапада ў Маскве. Першыя канцэрты з новай праграмай у Беларусі адбудуцца 20 лістапада ў Віцебску, 21 лістапада ў Бресце, 4 снежня ў Гомелі ды 5 снежня ў Гродна.

Віцебск – 20.11 – Бітлз-клуб "Чердачок"
Квіткі ад 200 да 270 тыс. руб. Інфалінія: (029) 712-1111


Меткі: ,

Падобнае

    8 каментарыяў

    1. Алеша Пешков  
      9/Лістапад/2015 у 20:54

      Да, наверно две большие разницы Михалок и Булатников!

    2. Максим Маханов  
      9/Лістапад/2015 у 21:47 1

      А Михалок приедет?

    3. Pcholkin  
      9/Лістапад/2015 у 23:21 2

      Максим Маханов пісаў:

      А Михалок приедет?

      Нават, калі і прыедзе, наўрад ці "Паддашак" змесціць яшчэ і Brutto. 🙂

    4. :)  
      10/Лістапад/2015 у 14:36 3

      Мрачная "чернуха"...

    5. Алеша Пешков  
      10/Лістапад/2015 у 19:04 4

      🙂 пісаў:

      Мрачная “чернуха”…

      Я, каб-бы Ляписов вопринмаю 97м "Ты кинула"

    6. Алеша Пешков  
      10/Лістапад/2015 у 20:50 5

      @ Алеша Пешков:
      Да и Михолк дас многин форумчанам мзды. :mrgreen:

    7. Алеша Пешков  
      10/Лістапад/2015 у 20:53 6

      @ Алеша Пешков:
      Михалок многим мзды

    8. геннадий  
      11/Лістапад/2015 у 1:52 7

      фото конечно тоже мне джеймсы бонды

    Каментаваць