Памёр віцебскі краязнаўца Алег Куржалаў

Пайшоў з жыцця Алег Васільевіч Куржалаў, адзін са стваральнікаў сучаснай сістэмы школьнага краязнаўства на Віцебшчыне.
Алег Васільевіч Куржалаў. Фото Таццяны Мацьвеевай

Алег Васільевіч нарадзіўся ў кастрычніку 1953 годзе. Вучыўся ў віцебскай СШ №29, у 1975 годзе скончыў гістарычны факультэт Беларускага дзяржаўнага ўніверсітэта.

У 1978-1984 гадах працаваў адказным сакратаром віцебскай арганізацыі Беларускага таварыства аховы помнікаў. Актыўна выступаў супраць знішчэння гістарычнай забудовы на вуліцы Леніна, старой аптэкі на плошчы Свабоды. У 1984 годзе ўпарта адстойваў будынак Пакроўскай царквы, ужо падрыхтаваны да разбурэння, за што быў звольнены з працы.

Актыўны ўдзельнік віцебскага гісторыка-культурнага таварыства “Узгор’е”.

У 1995-2011 гадах працаваў загадчыкам аддзела беларусазнаўства і краязнаўства у абласным аб’яднанні па арганізацыі пазашкольнай работы. Здолеў адшукаць і арганізаваць для сумеснай стваральнай працы педагогаў-краязнаўцаў практычна ва ўсіх куточках Віцебскай вобласці. Ладзіў семінары, творчыя конкурсы, краязнаўчыя вандроўкі. Дапамагаў у стварэнні і развіцці школьных музеяў, дапамагаў вызначыцца з найбольш выйгрышнай стратэгіяй працы краязнаўчых клубаў, гурткоў і асобных юных даследчыкаў лакальнай гісторыі. Ініцыяваў і часта ўласнаручна рэдагаваў першыя краязнаўчыя дапаможнікі, якія зараз выкарыстоўваюцца ў школах.

Нястомна, не шкадуючы высілкаў, працаваў для таго, каб жыхары Віцебшчыны ведалі свае радаводы, лёс сваіх вуліц, вёсак, мястэчак і гарадоў. Сваю праўдзівую гісторыю.

Развітанне з Алегам Васільевічам Куржалавым адбудзецца 26 ліпеня ў 12:15 у рытуальнай зале “Ціхая абіцель” (вуліца Петруся Броўкі, 50).

  •  
  •  
  •  
  •  
  •  
  •  
  •  
  •  
  •  
  •  
  •  
  •  
Меткі: , , , , ,

Чытайце яшчэ

6 каментарыяў

  1. Дмитрий Осипов  
    25/Ліпень/2017 у 21:30

    Вечная память,низкий поклон!
    Соболезнование родственникам и близким!

  2. Наталья Партолина  
    25/Ліпень/2017 у 22:17 1

    Светлая память светлому человеку...

  3. Анатоль  
    25/Ліпень/2017 у 22:35 2

    Год стратаў у нашых краязнаўцаў.
    Алег быў вельмі каштоўнай зоркай на небасхіле віцебскай гісторыі і краязнаўства. Шкада, не цанілі яго ў кабінетах, якія наш народ чамусьці называе "высокімі".

  4. Віталь Броўка  
    26/Ліпень/2017 у 9:39 3

    Сьветлая памяць, Алег Васілевіч...
    Дзякуй за ўсё

  5. валошка  
    26/Ліпень/2017 у 11:30 4

    Светлая памяць..

  6. Дмитрий Осипов  
    26/Ліпень/2017 у 11:43 5

    @ Віталь Броўка:
    Уникальный и светлый человек нас покинул!
    Мой учитель!

Каментаваць

Вы павінны увайсці каб каментаваць.

Можна ўвайсці праз: