Памёр вядомы віцебскі журналіст Уладзімір Жыгулоў

У ноч з 19 на 20 снежня на 79-м годзе жыцця памёр вядомы віцебскі журналіст Уладзімір Жыгулоў.
Уладзімір Жыгулоў. Фота freeregion.info

Спадар Жыгулоў супрацоўнічаў з вялікім шэрагам беларускіх выданняў, у тым ліку пісаў для такіх знакавых для Віцебска газет, як “Выбар”, “Віцебскі кур’ер” і “Народнае слова”. Публікаваў ён свае заўсёды вострыя артыкулы і ў “Народных навінах Віцебска”.

Нягледзячы на сталы ўзрост і праблемы са здароўем — ён перажыў некалькі інсультаў — Уладзімір Жыгулоў не кідаў пяра да апошніх дзён, часам ён рабіў свае матэрыялы проста на бальнічнай койцы.

Гэтай восенню спадара Жыгулова напаткаў моцны ўдар: пасьля амаль 20 гадоў пошукаў сына, зніклага без вестак у 1998 годзе, высветлілася, што малады чалавек быў застрэлены. Яго цела знайшлі яшчэ ў 2000 годзе ў возеры Сосна ля вёскі Доўжа Віцебскага раёну, але асобу устанавіць удалося толькі нядаўна дзякуючы экспертызе ДНК.

Развітацца з Уладзімірам Жыгуловым можна 22 снежня з 12:00 да 13: 00 ў рытуальнай зале бальніцы хуткай медычнай дапамогі.

  • 10
  • 1
  •  
  • 1
  •  
  •  
  •  
  •  
  •  
  •  
  •  
  •  
Меткі: , ,

Чытайце яшчэ

3 каментарыя

  1. Ліс  
    21/снежань/2017 у 22:05

    Светлая памяць!... Мужны чалавек...

  2. Litvin  
    22/снежань/2017 у 13:57 1

    Спадар Жыгулоў і для ННВ пісаў?

  3. Сяржук Серабро  
    22/снежань/2017 у 15:24 2

    Litvin пісаў:

    Спадар Жыгулоў і для ННВ пісаў?

    пісаў, спасылку забыў паставіць, зараз можна паглядзець

Каментаваць

Вы павінны увайсці каб каментаваць.

Можна ўвайсці праз: